點解要咁對我?

唔知你大概幾多歲呢 ??? 而且, 聽完你咁講, 我反而想問番你, 既然你 bf 係醫生, 點解唔索性搬出黎住呢 ?? 同埋, 事情到左呢個地步, 根本就唔使問人點算了, 你應該只有一條路可以行 ......。

首先, 雖然話而家呢個年代, 鐘意就得, 並無咩門當戶對。但, 其實呢個只係好一廂情願的講法。因如雙方背境相差太遠, 其他人, 包括你地自己, 都一定會覺得有問題存在的。而你 bf 係醫生, 佢當初唔介意同你一齊, 你有無諗過佢係咪真心鐘意你呢 ??? 定係有其他原因 ??

你搬去佢屋企住, 問題好快就發生, 你成為佢全家人針對的目標。呢個時候, 如你男友真係鐘意你, 就算唔撐你, 我覺得點都要自掏腰包同你搬出黎住啦。當買佢屋企怕又好, 當為你地將來又好。好可惜, 好現實, 佢完全無咁做到。到而家, 你走左一排再搬返去, 情況仲惡劣過之前咁多, 而你男友仲要將槍頭指埋你一份。好明顯 .......... 如殘酷 d 咁講, 你男友而家已對你無興趣了, 佢根本就直情想你快 d 離開佢, 唔好阻佢識過第二個。

如你接受唔到咁殘酷, 我就或者可以咁講啦, 你男友太緊張佢父母兄弟了, 為左唔想得失佢地, 所以而家唯有犧牲你, 迫你離開佢。

所以, 如你信我, 我之前都話, 你除左呢條路, 都無咩其他選擇了。

而除左感情方面 ......
~~~~~~~~~~~~~~~~~~~~~~~~~~~~~~~~~~~~~~~

另外, 你應該都知, 做人係好辛苦, 現實係好殘酷。我曾遇過更糟的事, 但除左無奈, 又有咩野可以做呢 ??

你話你只係清潔工人, 無外表, 無朋友, 我深深體會你的苦況。所以, 我想勸你, 既然你遭遇咁差, 又無咩人錫自己, 咁你自己就更加要愛惜自己, 唔好睇小自己, 就算要孤軍作戰都好, 千奇唔好心灰意冷 (因我由小到大都習慣左孤軍作戰了)。

既然你而家的戀情, 根本唔值得你珍惜, 咁你索性等新一段戀情開始啦。而且, 除左拍拖, 做人係仲有好多好多其他野值得去做的, 建議你可以循自己的興趣方面諗下, 你一定會發現到的。

最後, 除左你要愛惜自己, 仲有小心身體啦 ~~

係清醒過來的時候了,別在迷途下去,再繼續只會是你更加傷,你個bf都唔會跟你一齊,種種蹟像已經話比你知,明玩你咋,傻女,唔好再妄想跟他搬出去住la,這只會令佢屋企人更加睇唔起你,亦唔讚成你去用他的錢去自我增值,
人一定要接受現實,現實係咩嘢,現實係你有細至大睇到ge嘢,真話唔會好聽,但係真個句,唔好再問點解,你就算再問他們一百次,亦都唔會承認係睇你唔起,你只會比機會佢地講大話自欺欺人,這是人性醜陋的一面,但少有人敢去認,由其這些自以為已是高人一等ge人,這些人的心態正正是高不是低不下的夾心一層,講高等個面,係咩嘢專科醫生先,有冇英國倫大的文憑之類呀,唔好再自我膨脹la,唔好再以為大學生好高層次呀,而家個社會知識水評相繼提高,大學生已經唔係好妗貴咋,咩嘢科呀,咩嘢前途呀,唔好係低你一籌ge人面前自我抬高la,好可憐啫,咁樣做只會揭露佢地自己低b個面咋,睇晒成編文,我都睇唔到佢地憑咩嘢去自大睇唔起人.唉,正一小農心態,即農村個隻,冇見過大場面,係自己條村自大過一生嗰D井底蛙呀,我真係唔知你為乜咁勞氣
唔靚唔係罪,但你唔去自我增值,提升自己的能力,就係罪,因為對唔住自己,對唔住你父母
唔好再在這些(東西)面前浪費時間了,
唔好再why why why,你再自憐下去,論到鍚你個人講why why why

如果你想繼續同你bf 一齊，你就要食得咸魚抵得喝，要好有EQ及人際關係 very good 先得，就算搬出來住，只是途避，不能解決你同佢屋企人的關係，我個人認為你 fd 應該可以幫你打好你們之間的關係，但當然要有一段時間啦！同時在你們的關係未好之前，最好不要住在他的家，這會加深你們的磨擦，如果平時上佢屋企吃飯的話，試下是升下自己的EQ,串你的時候，你當佢唱歌可以嗎？不要和他們一般見識，當然可以的話，自己都要增值自己，不要給人一直看偏，明白嗎？

錯既配對 導致既問題

我覺你好可憐
識朋友係咪一定要識有錢人呢？
(唔知佢係咪真係有錢)
如果佢真係鍾意你
佢應該租層樓俾你住
佢係醫生嚟架喎
收入都有番咁上下啦
租層樓有幾貴啫
成屋人都睇你唔起
點可以忍呀
快啲走啦
全部都係衰人

搵到啲錢去增值自己仲好啦
如果你個醫生朋友為你好
佢可以出錢俾你繼續進修
無理由任得佢屋企人侮辱你
咁委屈為乜啫？

你個醫生朋友夠薑就搬出嚟同你住
咁我就話佢偉大嘞
你問佢肯唔肯先啦
如果佢唔肯
你死咗條心罷啦!!!!!!!!!!!!!!

不如搵個同你咁高咁大嘅
肯挨又錫你嘅男朋友好過嘞

如果我係妳，我一定會離開呢個男仔，再發舊去轉工，我相信你都係廿幾歲女啫，仲有發舊進步空間的！妳繼續留係呢個家有咩意思啫！做女人唔一定要有學歷，女人天生出黎係比男人錫比男人愛比男人竉，女人一生最緊要係有個愛自己欣賞自己既男人，如果個男人冇錢唔緊要，捱都要捱得值得！明白嗎？

妳而家默默咁祝褔你現任bf個細路同佢女朋友 白頭到老 永結同心，妳自己明白你同佢冇特別既分別，佢同你都係講同一種方言，暫住係同一間屋，暫食緊同一個未來奶奶既餸，妳仲要笑下佢，我冇學歷，付出既野比你少，但同你待遇都差不多，咁就足夠啦！做人唔好睇唔起自己，加油！

你應該要強硬喲, 如果你冇偷嘢, why 要忍???? 呢件係好嚴重屈人方法, 你叫佢哋報警呀,
睇吓邊個樣衰先??? 成家隻眼都好像擺咗係額頭上面, 你個男朋友仲得, 竟然唔用大腦去想清楚就鬧你. 佢其實係咪想搵喲嘢嘈吓想同你散呀????
同埋一開始佢都應該知你背景啦, (學歷低,樣唔靚,屋企又窮), 咁佢有同你一起?????, 而家最大問題唔係佢family , 係你男朋友, 如果佢真係想同你一生都係埋一起, 咁應該大家一起面對佢家人,我有死唔信佢喲家人會趕你男朋友走嗃...........
唔好怨天由人, 而家搵喲嘢學吓, 進修吓, 你都唔想一生都做清潔工人啩!!!!
天無絕人之路, 只有自已絕自已條路!

正所謂竹門對竹門, 木門對木門

高攀人, 是一件笨事

狗眼看人低, 現今社會就你咁...無辦法改變.
享受過同上等人一齊咪算囉, 唔好咁執著.

不用去自悲,應該離開你bf的家庭,叫他搬出來和妳住,如果他不肯,你就氣了他,離開這個家,
個個都唔幫你,在這個家生活,我想妳都不HAPPY了,何必要挨呢?
你想識朋友或bf可以在網上識的,想找人傾素,E-mail我!
[email protected]
希望妳開心,我願意做妳朋友
多一点笑会開心一点(●U●)←笑瞼
就算世上所有人都對妳壞
你也要挨下去!! {加、油}

HK 就係咁，冇學歷就俾人睇死，
有學歷但低收入一樣俾人睇死，
不過最重要係你bf 點睇你，
如果佢愛你咁一定幫你，
否則你地咁落去大家都辛苦，
得既話不如報course讀多d 書啦~
我都唔鍾意俾人睇死，
所以我e+ 好俾心機讀，
誓要賺得多錢過我家族入面任何一個人﹗