婚紗攝影問題

我個攝影師就話, 用菲林影嘅相係靚啲, 啲層次感會好啲, 所以我影婚紗相同埋結婚當日嘅相都係用菲林影.
但我另一個就嚟結婚嘅朋友個攝影師就話, 而家啲數碼相機已經係好高質素, 而葉青霖亦都有响報章雜誌度話科技就係科技, 只會進步, 咁即係佢都係一個數碼相嘅支持者.

至於你嘅情況, 我估你本身對攝影冇乜特別研究, 所以你應該係搵個你信任嘅攝影師, 佢話影邊樣好就用邊樣影啦! 我相信攝影師質素係最緊要, 你個攝影師擅長用咩嚟影, 就跟佢啦, 咁樣佢影時有信心, 你被影又放心嘛!