✔ 最佳答案
雖然我唔知甲狀線水瘤的等不等於甲狀腺瘤,
但甲狀腺瘤手術我做過, 可以分享我的經驗
1. 甲狀腺腫瘤不可以單純切左個瘤, 要切就要切半邊,
(我曾經很天真的問過多個醫生這個問題, 可唔可以只切個瘤, 不要切半邊,
但答案都係 no.)
所以做甲狀腺手術後有機會造成甲狀腺素過低的現象,
這也就是好多人害怕手術的原因之一,
不過, 也不用太擔心, 據醫生所講切去半邊甲狀腺的病人,
也只有5%的人甲狀線過低, 需要長期服樂, 補充甲狀腺素.
另一個風險係因為甲狀腺很接近聲帶, 有部份人會傷到聲帶.
還有一點 , 據醫生所講,切左一邊甲狀腺, 不排除另外一邊日後會變大,
或再生腫瘤, 所以如非必要, 還是三思三思再做手術.
雖然甲狀腺瘤本身變質機會很微, 但當醫生觀察了病人一段日子後,
他還是會建議你做手術.
2. 如一般在脛部開刀的切半邊甲狀腺手術是需要全身麻醉的,
需時約一個半至兩小時, 由於麻醉其間, 病人無法自己呼吸,
所以需要插喉幫助呼吸, 手術做完後就會撥掉,
但另外還有一條喉還是會連接傷口, 好似叫引流, 會連接到個泵和膠袋度, 是將你內在傷口的血水排出來的, 以免傷口腫脹, 條喉約有mouse 線咁粗, 直至到第二日才會拆掉. 拆個陣都幾痛下.
3.手術前一天需入院做各種檢查,
如量血壓, 照聲帶, 照肺, 抽血, 見麻醉師.如各檢查無問題.
第二天可以做手術, 如果手術順, 病人無其它不適,
第三天早上醫生巡房, 就會批你出院,
(住公立醫院係咁, 私家唔知, 住院兩天半, 只需hkd250)
4.手術後當天, 一般唔比你落麻, 怕你暈倒, 如需要大小二便, 醫護人員會幫你. 手術後
幾個鐘頭會連水都唔比你飲, (只會比你吸一, 兩啖, )
直至到晚上才允許你食流質食物, 如粥水
第二天可以上廁所啦, 沖涼都無問題, 冇整到傷口就得啦. 第二天基本甚麼都可以食.
醫生係咁講的.
我個人經驗係唔需其它人照顧的, 頭個一, 兩天只不過氣力不足,
講說話很細聲. 痰多, 一星期後就無事, 可以如常工作.
5. 手術一般都係用肉線, 冇需拆線, 只有拆駁引流那條線而已.
其它詳情請詢問你架醫生. 我知道的就只有這麼多, 希望可以幫到你.
