電腦不定時hand機

圖片參考：http://hk.yimg.com/i/icon/16/1.gif
這個問題我經常遇到,通常都係這樣解決


（１）硬件鬆脫或接觸不良
首先檢查所有硬件連接位及接線位，最好攞條ｒａｍ同Display Card出嚟，用膠擦嚮金屬部份擦吓，然後再插回原位，檢查CPU有無氧化,如果有,先清除氧化物, 然後在CPU表面加散熱油脂, 再用吸塵機清理主機內外,開機試吓.

（２）電腦病毒或軟件衝突
如果你做完（１）部機仲係死死吓,先唔好諗硬件問題, 因為換硬件要錢．電腦病毒或軟件衝突都有可能造成呢個故障, 唔想咁煩, 可以先用Norton anti virus 及AD-Adware 之類嘅軟件清除D病毒同廣告軟體． 至於我就覺得呢個方法唔夠澈底, 都係較喜歡洗機．如果你之前有用GHOST之類的軟件備份, 那只需十幾分鐘就可以將電腦回復舊觀, 當然你備份後更新的程式會無左.此外,一般有BRAND的套裝機都會附送RECOVERY DISK 或內存RECOVERY功能. 但係若果你完全沒有備份, 你就要FORMAT部機,重裝OS,硬件所需的DRIVER及你需要的軟件. 這個方法可以徹底解決因電腦病毒同軟件衝突所引起的死機或不正常重開機的情況．


（3）硬件老化或壞
如果試過(2) 都係咁, 唔好意思你部腦好有機會有硬件壞，放在最後是因為要洗錢換嘢． 試下可唔可以有朋友借條正常嘅ram俾你, 換落你部機度, 換完操作正常嘅話, 咁你買過條ram應該救得番．另外, 你要考慮吓會唔會係Harddisk影響, 普通Harddisk用兩至三年已開始出現問題．先聽下Harddisk有冇怪聲, 噠噠聲之類, 我部機用左五年, 就有兩次因Harddisk壞而出現異常reboot情況,最後換左兩次Harddisk就無事．不過換硬件前最好洗少少錢搵ｄ專門鋪頭check吓, 一來你未必知邊件有問題, 二來ｄ硬件都唔平, 換得幾件, 不如裝過部新．