照胃前須知...

如果係早上照胃, 之前果晚12點後唔好食野. 飲野就只可飲清水. 在當日早上最好連水都唔好飲. 食物更加唔食得, 直到照完之後. 肚餓可以咬住香口膠先. 如果係下午照, 就可在晨早(盡早)食塊白麵包. 但唔好食其他野同飲茶 / 咖啡 / 果汁 / 鮮奶.
因為個胃係肌肉組織, X光會穿透個胃, 所以在照胃前, 姑娘會俾杯勁難飲的液體鋇(Barium) (俗稱石灰水)飲料你飲. 鋇是一種會在X光下顯影的物質. 飲咗之後d 鋇會覆蓋胃壁, 令個胃在X光下顯影.如果唔飲液體鋇就照唔到.
d液體鋇會令你小小反胃, 輕微便秘及出現白色的大便. 呢d係正常的. 所以照完胃後記得飲好多好多水.

2007-11-22 21:20:19 補充：
你係照胃定照胃鏡? 照胃同照胃鏡都係之前果晚12點後唔好食野. 飲野就只可飲清水. 在當日早上最好連水都唔好飲. 食物更加唔食得, 直到照完之後. 但照胃鏡唔使飲液體鋇.

我兩年前照過,照胃鏡前一晚係根本唔食得野,水都唔飲得,
我o係政府照,只係嘖o的藥水麻醉個喉嚨,
照果陣條喉會頂住,如果你嘔水既話,
萬一o的水流返入氣管會好危險,
所以千萬不要偷食野同飲水,
忍一晚啦~~
其他都冇咩特別野唔做得既~~
(照完後佢地話o的藥力要兩個鐘先過,食唔到野架,不過我照完即刻去左飲茶,都有感覺ga,
仲好好味添,因為我太肚餓喇!!!)