✔ 最佳答案
揀鼠最好靠自己去睇隻鼠係咪健康,唔好只靠店員既推介,鼠店始終都係做生意既地方,最好唔好盡信
揀鼠鼠要留意以下幾點:
1)最好夜少少先去買,因為鼠鼠係夜晚活動日頭訓覺,所以太早去買鼠鼠會比較呆,咁就難分佢係咪有病.
2)唔多點郁既鼠鼠可能有病,好多病都會令鼠鼠好疲倦.
3)留意鼠鼠身形會唔會特別肥or特別瘦,兩樣都唔好既,可能太早戒奶,唔健康or過肥,甚至體內有癗腫.
4)留意鼠鼠既毛有冇甩左一部份,會唔會有腫瘤,摸落去會唔會好"鞋"咁
5)眼睛唔好有眼水,要乾淨,可以完全張開.
6)鼻要乾淨清潔
7)呼吸正常,唔會喘晒氣咁
8)腮部冇問題,可以正常地放野食入腮同整到出唻
9)排泄位置乾淨清楚,唔會瀉瀉地
10)冇外傷,冇流血
另外,希望你都可以同你既同學分享返之前你養鼠既經驗,等佢地知道鼠鼠一齊住係會有打交既問題,好希望你同你既同學仔都可以一籠一鼠,等鼠鼠可以更健康同更貼近鼠鼠本身既天性而生活,避免有更多鼠有機會打交or生病^^