破產期滿後, 銀行解凍, 是由破產局, 或要自聘律師處理?

1) 如果係第一次破產，基本上4年後破產令會自動解除，除非係你o既破產主任或者你o既債權人提反對，但係如果你破產期間一路都好合作，無做過 d 咩違規o野，應該無問題。破產署係唔會有信通知你o既，所以你唔需要去搵律師做 d 乜，DIY 啦。破產期屆滿後，你要做o既o野係搵你o既破產主任出封信俾你，証明佢唔反對你解除破產，跟住你拎呢封信去法院申請一份叫"解除破產証明書"(唔係好記得o個張o野 exactly 叫咩，大約係咁叫法)，宣個誓，大約四個禮拜後，你就可以返去拎o架喇，有o左呢封正式由法院出o既信，你就可以憑佢去銀行開新戶口、解凍等... 記住 keep 好呢封信，因為係無得再出o既。

2) 坊間有 d 律師行會幫你做以上o既動作，大約係 3000 蚊左右，不過我個人認為無咁o既需要，自己搞得惦就唔好屣錢喇。

3) 基本上無乜可能o架喇，因為環聯有晒資料，香港九成銀行都會搵佢 check 料。不過網上亦都有人話 Aeon 有種卡係 for 破完產o既人，我就未求證過，我自己都想開返張信用咭，我o地可以試試。

希望以上o既資料可以幫到你啦...

破產期滿,破產署會有一封解除破產令的信比你,
你日後(即lee一世)帶同這封信,去任何一間銀行開戶即可,
至於信用咭不用想了,不批.

期滿後即是你的身份不再是破產人士﹐你可隨意開戶﹐不需要經由Official Receiver或律師辦理﹐但話說回來﹐銀行經CIS會查到你以往之credit status﹐會否願意開戶給你便純綷是銀行一方之自行決定﹐我猜估HSBC, BOC或Chartered應該唔得﹐其他華資銀行或者可以﹐你試試看﹐至於信用卡﹐你唔駛諗﹐一定唔會批﹐除非你在銀行有足夠結餘去證實你無問題﹐(不過我估你而家應該未有)﹐再過幾年先申請啦﹐唔通你又想再碌卡渡日﹐重覆以前生涯咩!?!