長洲日租度假屋係唔係一定要BOOK定？

其實你一出碼頭就會見到有數十個攤位係出租度假屋架~
唔需要book定!

我見意你:

如果係兩個人去就租套房就低d,大約$120起

3-6人就租1房1廳,$150起

4-10人就2房1廳, $250起

8-15人就3房1廳, $350起

如果唔鍾意套房既,可以租一d係複式單位,大約500起

唔過夜就夜晚8點交房
過夜既就中午12點交房

以上既,全部都係睇下間房係幾大,大d就會貴d
所以我只可以比大約既$比你參考
不過唔係特別日子既紅日,應該唔會加太多$,大約加你$100-$150到

如果想燒個早場bbq既,租過夜就比較低好多啦~
起碼唔會咁趕,又有大把時間休息

我試過聖誕節租左間複式單位,連露台,都係$800到,連bbq爐
如果租東提個邊,會平d.....

其實差唔多每年我同我d朋友都會入去長洲東提渡假
都唔覺有什麼異樣,所以唔需要太驚

p.s

1)記住同佢講價

2)你租之前有相比你睇架,但千萬唔好比張相呃到~
因為佢地影張相既時候係好多年前,你去到可能已經好殘舊
記得留意下

3)當佢比左條key你,你去到間屋,覺得唔係好岩,你都有權去換過第二間

2007-11-22 03:55:10 補充：
4)如果你1個人租屋拿key,佢係唔會租比你架~最好同2-3個朋友一齊租屋拿key因為之前實在有太多燒炭事件發生,所以佢地係會避免呢d事再發生!

長洲幾好玩，動靜皆宜，最緊要就係好多野食，租渡假屋假期最好訂定，平日唔使，入去才租，日租如果你6-7點走就$100都有，你夜走佢租唔番出去，會貴D，BBQ就租間有露台向海，貴2-30元，但我建議你四圍食吓野重好，我幫襯開三元行，D屋最近新裝修，好老實，服務時間又長，電話29812320，你話揾亞蘭姐，佢就當你熟客。

放鬆D就無咁攰，當然去玩吓就更好! 祝你旅途娛快!

我上個月都去過長洲玩完兩日一夜..雖然過左暑假但係如果禮拜日好多時都好難book架..最好都係book定先..同埋即使你唔係過夜..只係book幾個鐘其實同租一晚既價錢唔係差太遠...交房時間要事付佢有無人租!!長洲BBQ你可以去張保仔洞果邊燒..你只要沿住去張保仔洞既方向你就會見到有幾個燒烤爐..果度環境幾好架..個公廁勁近又乾淨..希望幫到你啦!!

有很多的渡假屋出租,雙人房約租$150-$500一晚(平日及假日)! 但由於長洲的東堤小築是香港人燒炭自殺的熱門地,很多時情侶要租房都不提供燒烤爐及加以詢問! 長洲的渡假屋在出碼頭後會見到很多店舖經營! 而南啊島在榕樹灣及索罟灣兩個碼頭傍都有一些士多,會提供渡假屋出租! 此外! 在旺角的信和中心2及3樓也有一些公司專營全港各大離島的渡假屋出租! [從前信和是潮流特區,現已淪為三級片及老翻(翻版)集散地]