關於首飾一些問題

銀鍊會變黑,老人家會話因為你火重,但科學d黎講,可能因為你本身大汗,再加上氧化,所以會變黑,其實只要你每次戴完之後,用清水沖洗下,就冇咁快變黑.

如果條銀鍊已經變黑的話,除左用洗銀水外,仲可以用"抺銀布",如果你的銀鍊款式較為複雜,我較建議你用洗銀水,但千萬記得不要將銀鍊浸在洗銀水太耐,只要輕輕"揚兩揚"即可,否則洗銀水會因藥性太強而令銀器變得"瓦"色和"鞋拾拾",到時條銀鍊就冇得救咖啦.

最後你記得要拎去沖水.估唔係可能會令你皮膚敏感,條銀鍊仲會好快再變黑添!
希望幫到你啦!

我覺得最好用抺銀布抺

不載時放入密實袋

洗銀水始終是化學物

對皮膚及飾物都不太好

我試好多種方法，包括洗銀水及牙膏，出黎既效果都唔好，條練變得鞋及啞色。

最近問過一間賣銀器的老舖，佢地話用一隻三鳳粉（希望冇記錯個名），即係胭脂扣套戲入面如花用黎化裝的粉（唔貴），抺兩抺，然後搵水沖一沖，條練新既一樣，條練滑返，呤返。

個間舖頭唔難搵，近油麻地警署，你由油麻地中華書局對開個條馬路向油麻地警署方向行，大約過了2-3條街後，向右手邊望，會見到 朱義盛同老實公司幾個字，嗰問就係，隔離有間報紙檔。再唔知，問下d老街坊。