請問切除甲狀腺腺瘤手術費

煩惱做不做手術?
建議你睇多個醫生, 私家和政府都睇, 聽下他們的意見
可以先到私家醫院 照下超聲波
先睇下個瘤有幾大, (兩邊都有, 還是只有一邊)
我以前CHECK 到有甲狀腺瘤都好徬徨, 所以我先睇私家醫院,
再到政府醫院排期檢查,
記得當年ST PAUL 醫生同我講. 最好做手術切除,
(手術費+其它約需30000-40000),
但政府醫院醫生就話, 可以先觀察, 沒有做手術迫切性.
由於我沒有買保險, 所以我選擇公立醫院.

你可以衡量下以下做和唔做各風險再考慮.
做手術所面對風險:
1. 甲狀腺腫瘤不可以單純切左個瘤, 要切就要切半邊, (假設你只生一個, )
所以手術後有機會造成甲狀腺素過低的現象,
這也就是好多人害怕手術的原因之一,
不過, 也不用太擔心, 據醫生所講切去半邊甲狀腺的病人,
也只有5%的人甲狀線過低, 需要長期服樂, 補充甲狀腺素.
2. 甲狀腺很接近聲帶, 有部份人會傷到聲帶. 造成日後聲音沙啞
不過, 此現象有可能屬於短暫, 但都要睇下你職業係做咩,
聲音對你來講重唔重要.
3. 據醫生所講,切左一邊甲狀腺, 不排除另外一邊日後會變大,
或再生腫瘤,
4. 手術後會留下一條長約一吋半至兩吋疤痕.

唔做手術, 所面對問題:
1. 日後腫瘤變質, (甲狀腺腫瘤變質機會甚微)
2. 腫瘤變大, 增加手術難度,
3. 腫瘤大到 會壓住氣管和食道. 咁就一定要做手術.
4. 影響外觀, 大脛泡嘛

盡管甲狀腺瘤本身變質機會很微, 但當醫生觀察了病人一段日子後,
他還是會建議你做手術.


請問做完甲狀腺腺瘤手術後是否只可以食流質食物 ?
有冇D 什麼要注意和後遺症 ?
這個手術風險大嗎?

任何手術都會有危險, 切除甲狀腺瘤手術應該不會很高吧.
甲狀腺腺瘤手術後第一天 (當天) 只可以食流質食物, 之後就乜都可以食
不過最好不要食生魚, 花膠, 太補的東西, 聽講會令傷口生牙肉. 影響外觀.

個人經驗單患甲狀腺瘤, 其它甲狀腺素正常, 不必急於做手術.
雖然做之前或做之後對身體沒有任何影響. 其間一切正常,
但做左手術之後, 心理上會總覺得你只有半邊甲狀腺, 係你人生缺陷.

我10幾年前做過要4萬幾, 仲未計之后的覆疹費, 每次500, 個疤痕仲好明顯, d私家醫生見你有保險就狂收你錢, 保險claim到盡都係2萬, 所以如果有買保險, 問下可以claim到幾多先, 小心點好d, 好似我咁唔見左一大筆就唔好啦, 我朋友遲我d做, 都係8千左右, 傷口仲埋得比我好, 我家姐就係政府排期做, 都比我好, 你自己要考慮一下啦。講到尾都10幾年前, 依家就唔知價, 不過一定唔駛4萬。

視乎醫生點收費,因本人在大約7年前也做過甲狀腺腺瘤手術,當時大約3萬元左右,你可以去寶血醫院找鄺美玲醫生,但這個醫生好多人睇,可能要book好耐....