請問碎股要如何沽出

以下是網友 ryankormuro 的解答 ，你可以參考 。

中銀可以淨沽碎股的，請參考本人沽碎股的經驗︰

早在匯豐在138-140上落時，我開始月供20000，諗住佢幾個月內都唔會點郁，就諗住用三個月時間買夠一手，點知供左一個月佢就提早開車，所以我決定停止再供，兼將手頭上144股碎股在中銀智達售出，當日是大升市，奇蹟地我以當日最高價賣出，所以我建議你如果想賣碎股可以在整體市況好先賣，如果唔係可能要比市價壓低一兩個價位先賣得出。

當日我係咁樣設定的，可以作為參考︰

買賣交易 選擇「連碎股沽出」

正股股數 / 正股價位 / 月供碎股股數 / 月供碎股價位 4項都留空

全數成交選「否」

只填碎股股數和碎股價位，當日我輸入的價位是比市價低1元的142.5，不過最後成交價是全日高位143.5，當然我賣的是匯豐，如果你賣你是人家冇乜興趣，又或是成交量低的股，就可能要等下，又或者要壓低個價先賣到。


參考資料:
個人經驗，百份百自己文字，嚴禁抄襲



2007-11-22 15:05:23 補充：
樓下的朋友請留意問題是問在網上銀行沽碎股 ，不是證卷行 。

你可以照向証券行提出碎股沽售,
你只要向証券行提出沽售你手上的碎股, 他們會向你報價
市場上, 有人專門買入碎股. 但報出來的價格一定比市價低.
而且你只能選擇接受與否, 不能掛盤等價位到才沽碎股
不過放心, 正常情況碎股買入價應該遠高於市價8折,
但請記住持有碎股的你不沽出碎股時,你依然可以享其升幅,
派股息等.