canon G9 和canon SX100如何選? 10分

唔~從你言談間我諗你唔係玩開相機的........同要求唔係太高~~

不過你講既真係SX100﹖SX100而家賣$2370，G9係$3800，差千幾喳WO﹖同埋LCD SX100係2.5吋，唔係5吋......

無錯，兩部機既一般功能分別唔大，但有D主要差別係唔熟相機既人往往忽略的...，如下：

感光元件：G9係1/1.7，SX100係1/2.5，即G9比較大，感光元件愈大，吸既光愈大，影像就愈清晰、明亮。

LCD：一般人只知邊個LCD大D，但其實係要睇邊個像素高d，就算個LCD好大，如果像素低睇相一樣唔清唔楚，唔係大就好的﹗G9：3吋230,000 像素，SX100：2.5吋172,000 像素

有聲短片：拍出來既片畫面有大有細，現時電腦解像一般用1024x768(桌面)，G9：拍片解像度最大為1024X768，SX100則為640 x 480

電池：唔好以為AA電池好方便，唔駛驚他人買專用電煩，相機用AA電池好多時要換電，SX100部機輕d，但要帶定幾粒AA電出街，結果仲麻煩左。不過G9由於LCD大，食電一樣快(所以買機多會送多粒電俾你時咪以為好著數-_-"")

相片格式：JPG同RAW既分別，相機拍野本來就係先出RAW格式，為左慳位先轉做已壓縮既JPG，RAW係相片既原汁原味，你點樣修改佢都得﹗唔會影響相片質素

SX100既特別 - 你都講得七七八八，以遠攝來講的確最強﹗同埋佢個快速開啟既閃光燈蓋，一揭起即自動開，反之蓋起便關。但回電慢(即係用完閃光之後再等約2秒先可以玥用)

你講指定既微距，就兩者都差不多，因為大家同為光圈f2.8，G9的微距示範如下：
http://www.fotop.net/cbenc/07goa17/IMG_1215

G9特別功能：
1.16：9拍攝
2可以控制對焦位大細，甚至拉去相片中既任何一角對焦(微距有用)
3人臉對焦 - 佢話可以最勁35人同時對焦
4睇相快及多功能 - 唔駛開機開鏡頭，一按播放鍵已即可睇相﹗
5睇打直相時，一將手上部機轉向90度，佢個畫面既相就自動跟你轉90度等，永遠唔駛打側頭睇相，好體貼﹗
6播相 - 駁入電視用幻燈片播相時，無論你部機點喳打橫打直都好，佢都會自動幫你正置返SHOW出來電視，唔駛打側頭睇相。
7色彩 - 除左預設多色彩效果外，仲有一個可以自定色彩選擇，仲有一個特別功能係全景黑白，但可以揀其中一種顏色show返出來，即係你可以成個背景黑白，但前面個蘋果就紅卜卜都得。(你要既微距時用最正﹗﹗﹗)

以下功能 SX100 都有囉

1.16：9拍攝
2可以控制對焦位大細，甚至拉去相片中既任何一角對焦(微距有用)
3人臉對焦 - 佢話可以最勁35人同時對焦
4睇相快及多功能 - 唔駛開機開鏡頭，一按播放鍵已即可睇相﹗
5睇打直相時，一將手上部機轉向90度，佢個畫面既相就自動跟你轉90度等，永遠唔駛打側頭睇相，好體貼﹗
6播相 - 駁入電視用幻燈片播相時，無論你部機點喳打橫打直都好，佢都會自動幫你正置返SHOW出來電視，唔駛打側頭睇相。

相機的成像質素可以從好多方面比較：
一般人會看的包括：
像數、ISO(感光度)、焦距等等
而如果兩部相機上述比較分別不大，而價錢有距離，很大程度可能會是：
機身用料，CCD(感光原件)大小、相機功能等等！

而依小弟愚見，G9同SX100最大分別在於CCD元件大小，G9=1/1.7，而SX=1/2.5，G9比較大，且成像將取決於此，另外SX100像數係8M, 而G9係1.2M，兩者相差4M。
而SX100有防震功能，主要是應付長焦距。
而G9有較大擴充性，例如可以加廣角鏡、有閃光燈熱靴，可外置閃光燈等等；
如果你是有意轉玩，或之前只玩傻瓜機的，G9會比較適合你轉用，而有意進身攝影行列，或甚感興趣的話，我建議或可跳進單鏡反光相機(D-SLR)行列，^_^