點樣先可以得奶奶歡心？

人夾人緣, 要一個已對您有先入為主印象的人改變對您的睇法, 可以講話好難亦可以話好易.
話好難, 要長篇大論講無謂, 所以同你講係好易啦.
八字真言: 笑容 尊重 放下 時間
1) 笑容: 入屋見到佢時; 你係廳, 佢行出行入同你有眼神接觸時, 記得回佢一個微笑(友善的微笑唔駛錢, 唔駛力, 但你估唔到佢的威力有幾大的). 仲有你對佢笑左, 正常o既人, 好難會板起塊面對番你的, 與生俱來的反應通常是佢會對番你微笑下, 友善咁互相微笑下, 關係自然漫漫會好起來的.
2) 尊重: 權力慾與生俱來, 以老人家身份及年紀, 係好渴望做細o既尊重自己的. 你主動對佢微笑, 是一種尊重; 佢行出行入時, 互相微笑過後, 你加多句主動問下有冇乜野要你幫手呀, 又是一種尊重; 今晚屋企煮唔切飯, 出街食, 你主動問佢有冇邊樣唔食呀(可能你已知, 但都可以再問. 記著如果問佢想食乜, 或想去邊度食,好似考佢咁, 通常佢冇意見, 答你唔到的, 但問佢唔食邊樣, 就更顯尊重同關心)... 諸如此類啦.
3)放下: 樓上有仁兄話, 了解佢對你有乜不滿, 就去改, 盡量遷就(意思大約是這樣). 我又唔係咁睇, 反而是要放下佢對你呢d 不滿. 不要太上心, 不要因為男友同你講佢有呢d 不滿, 而同男友的關係攪到唔好, 或在男友面前話番佢有乜唔好(你都識講啦, 血濃於水嘛, 而事實上,你個心都應該咁樣諗喎, 佢照顧左你男友咁多年, 你點都應該愛屋及烏啦). 聽左男友點講先啦, 改到就改, 改唔到亦要放下, 唔好同男友拗. 你諗下, 佢睇你唔順眼, 你就樣樣都唔妥嫁啦, 佢妥你, 你就樣樣衰野都ok 嫁啦. 所以改善關係才是首要, 我指的是除了同奶奶的關係外, 你亦要同你男友的關係打風都打唔甩. 當你同你男友的關係好好, 醒目的奶奶就唔會係你男友面前講你咁多不是嫁啦. 仲有每個人有不同個性, 點可以個個都要三從四德呢? 保持自我, 但亦尊重老人家, 咁你就sure win 啦.
4) 至於時間, 唔駛多解釋啦, 人際關係, 係要時間建立的, 認識愈耐的朋友, 都會愈深感情啦. 所以微笑同尊重攻勢, 唔可以三分鐘熱度的. 正如男女關係一樣, 你都唔想你男朋友, 剩係初初追你時才對你好, 過左三年就淡哂啦.
希望幫到你啦.

我想講呢,天下奶奶都是同新抱唔啱的,就算表面無野都只係口和心不和,無論你做到幾好都會有野挑釁你,因為佢會覺得你搶左佢個仔一樣,所以婚後一定唔可以一齊住,死得架....既然你都知佢唔中意你d咩咁你就真的唔好係佢面前做,如你愛你bf就要為左佢忍下架啦,不要太自我呀(係佢面前)蝕低係你架!!!

要改善關係, 點都要由主角開始, 你要主動同佢媽講下野, 了解下佢諗乜, 淨係聽你男友講, 可能都唔夠全面啦.

記住, 要主動啲
祝成功!

其實哩d野冇一定ga喎...你都識講啦...你奶奶先入為主左啦....就算你點樣都好...佢認定左你係一個點既人就係點既人....加上我覺得你男友好自私...一味要你就佢亞媽....咁你都會唔開心ga嘛...點解佢又唔體諒下你呀!!!最多咪唔好見佢亞媽囉...講真你而家先21歲咋嘛...佢未必係你最後一個ga...而家大家鍾意大家就緊係咩野都話一生一世ga啦...最好唔好分開...咩野山盟海誓都有ga啦...但當時間耐左...愛情就會變左感情...到時你見到佢都覺得厭啦...如果同一個人一齊咁辛苦我情願搵第二個!!