我想試下佢有無鐘意我

其實大多數男生都會對住自己鍾意既女仔有點隱性既尷尬...
但亦唔可以透過哩d試驗而去決定佢係咪鍾意你架bor
不過你純粹想知道佢對你既隱性尷尬有幾勁你可以試下...
當傾緊計時試下用你對眼望住佢...直丁佢發現你對佢望個不停...
睇下哩個時候佢有冇講野....如果佢好耐都冇講野...而你對眼又累了...
你就說...你塊面好紅呀...如果佢真係鍾意你的話佢當你講完"你塊面好紅呀"後...
慢慢...佢塊面就紅左lu....唔知哩個測試對你有冇用...
但希望你試下....我自己都係成日咁樣對付追求者...
加油!~

2007-11-20 20:52:29 補充：
暗戀人的12大特徵想試探對方對你有無意思，必須明白一個感情發展的基本原則。一個人對你心儀，他/她的行為，無論熱情還是冷漠(扮Cool)的極端，都會圍繞著如何吸引你注意(Attention Seeking)的大原則出發，以下十點根據這個大前題而訂下的原則，如果對方通過半數或以上，則成功在望----他/她對你有意思！

2007-11-20 20:52:52 補充：
1. 經常借故找你傾計、或詢問意見、或請你幫忙，即使他/她身邊有許多比你更適合提供意見或幫忙的 人。2. 對別人口若懸河，一見你則變得沉默拘緊，不苟言笑。3. 在你面前表現得與其他異性很熟落，對你卻異常冷漠。 4. 對你比其他人特別差，或經常「窒」你。(不過，若你身邊的朋友個個都經常窒你，這就是你的問題，而非他/她對你有意思！)5. 經常追問你的感情生活，若你表示仍然單身沒伴，他/她會以類似唱(紅茶館)的口吻對你：「你無男/女朋友？梗係唔信！無理由架！你幾好呀！點會無人鐘意你喎！或者有，你唔知呢？」

2007-11-20 20:53:05 補充：
6. 在一些特別敏感的日子，比如情人節致電給你，傾完兩個鐘頭後掛線，發現好似沒有談過什麼，電話有講等於無講。7. 肯在舞會中與你跳貼身舞會。8. 跟你約會時不會頻頻看錶，至晚上十一、二時也沒有任何想離開的表示。9. 記好多好多你與他/她有關的事，一開口便能道出何時何日何處與你做過些什麼。10. 告訴你：「佢地以為我同你拍拖！乜我地真係好似咩？」11. 當你生病時，他/她特別關心你，問候你的身體狀況或特別照顧你。12. 當你們對話時，他/她會興致勃勃地與你談話，又主動地講及自己的東西，即使沒有空與你繼續談話，也會主動解釋原因

睇睇佢平時既行為：

暗戀的表現
1. 見到佢果陣會心跳加速
2. 口齒突然間變得好唔伶俐
3. 經常發呆
4. 人地無話打俾你，你又響度猛等人地電話
5. 當佢響你視線範圍之內，你會扮睇唔到
6. 當佢離開左你視線範圍之內，你就會勁望佢去左邊
7. 見到佢開心，你自己都會暗地裡開心
8. 出完街之後，好想佢送你返屋企
9. 一班FRIEND食飯果陣時，希望有意無意咁坐響佢隔離
10. SEND SMS俾佢果陣時，會好介意自己GRAMMAR有無錯
11. 當佢唔舒服果陣，你就會勁叫佢睇醫生（但係自己平時病果陣又唔會去睇）
12. 個個都可以睇你張身份證，除左佢之外
13. 好想佢送D野俾你，乜野都好
14. 成日留意佢既言行舉止，睇下佢係咪對你有野
15. 若果見到佢同異性傾計果陣，你會想知佢地會傾D乜
16. 成日發夢都夢見佢
17. 若果發覺大家著左D好襯既衫，你會心裡暗叫「妙﹗」
18. 不斷打聽佢既拍拖歷史
19. 會介意佢去完旅行返黎無送手信俾你
20. 趁佢背住你果陣，即時猛望佢背脊
21. 佢叫你做乜都即刻做，好聽話
22. 偷偷地幫佢執手尾
23. 響手機度禁佢個名或者佢D相出黎睇
24. 同佢既FRIEND變得好FRIEND
25. 成日去佢經常出沒既地方留連
26. SEND SMS之前之後都會不斷返睇自己SEND左乜野俾佢
27. 主動借D書、碟俾佢，製造再見既機會
28. 就算佢響你隔離，你都會成日掛住佢
29. 行街見到佢鍾意既野都會有奇妙既感覺
30. 響街度聞到佢搽果種香水味，會即刻好緊張
31. 就算你有幾唔得閒都會應承佢出去
32. 用133打俾佢，佢一「喂」就即刻收線
33. 無情情想嗌佢個名
34. 唔敢走去佢附近
35. 習慣每晚都會睇佢個BLOG
36. 唔想俾佢知道你有男朋友
37. 成日開MSN或ICQ既HISTORY回味一下
38. 會深入研究佢所有喜歡既野（就算自己一D興趣都無）
39. 好想講自己既野俾佢聽
40. 佢講乜野你都會信
41. 見到佢父母會特別拘謹
42. 講野前會PLAN定一大輪
43. 兩個人獨處時候有DEAD AIR會感到十分尷尬
44. 會記住晒佢鍾意食咩呀、唔鍾意食咩呀，諸如此類
45. 經過佢屋企時候會望上去或者響下面停一停
46. 一起身張開眼就會即時諗起佢
47. 製造無理要求，睇佢有乜野反應"
48. 想知佢鍾意邊一類型既女仔
49. 佢做任何衰野都會幫佢搵藉口
50. 用佢張相做電腦WALLPAPER
51. 不論內容係乜，SAVE晒佢俾你既SMS
52. 做垃圾婆，總之任何關於佢既野都要KEEP
53. 會響紙上面不停寫佢個名
54. 成日自己估人地對你有無野
55. 每次就算有正經事搵佢，都會自己緊張一番
56. 想佢欠你D野（反而佢還左俾你會唔舒服）
57. 覺得佢梳乜野髮型、著乜野衫都係OK既
58. 唔想聽到佢同佢女/男朋友傾電話
59. 佢一講野果陣就豎起耳仔，但係又扮成唔係聽佢講野
60. 好想度下佢高你幾多
61. 同FRIEND講起佢果時，會用花名或暗號
62. 唔敢送太貴重或者太大件既禮物俾佢
63. 因為諗起佢，行行下街都會無啦啦笑左出黎
64. 搵機會同佢合照
65. 會刻意同佢鬥嘴
66. 會留一D問題性既SMS俾佢，等佢一定要覆返你
67. 若果佢讚你靚果陣就會KEEP住呢個LOOK
68. 買D有佢個名既野
69. 同佢MSN果陣，若果佢覆得唔快，就會好失望
70. SEND俾佢既聖誕同新年SMS會同其他人唔同
71. 覺得佢好叻
72. 人地講佢壞話既時候絕對唔會加入
73. 同朋友講起佢既時候會覺得好爽
74. 搵機會度下佢隻手大過你隻手幾多
75. CHECK下自己星座同佢夾唔夾（尤其響網上成日玩配對）
76. 討厭佢所有討厭既人
77. 唔介意望到佢既腳趾
78. 佢生日既時候，唔會買一D人人都知道佢鍾意既禮物俾佢
79. 唔捨得熄電腦，怕佢隨時ONLINE
80. 想見佢，但係見到佢又會覺得好辛苦
81. 同佢講野時候會壓制自己既面部表情（反而搞到個樣唔知想點）
82. 許親願同玩親乜野占卜都係同佢有關既
83. 唔會介紹靚女friend俾佢識
84. 借D意同佢SHARE野飲
85. 同佢搭巴士果陣扮訓著
86. 搣花瓣
87. 乜都幫佢頂
88. 唱K果陣扮晒話無男/女仔陪你唱合唱歌，逼佢同你唱
89. 送野俾佢唔留名
90. 突然間對所有異性失去興趣
91. 人人講緊一D情情塔塔既野果陣都覺得講緊自己
92. 覺得若果同到佢拍拖，一定會好幸福（就算佢同你唔熟）
93. 覺得大家都OK襯既（就算身邊人人反對）
94. 連續打兩個乞嚏就覺得「佢一定係掛住我」
95. 少少野就話自己好唔舒服，睇佢有乜反應
96. 同佢去完街返屋企會勁重溫同佢相處既片段、說話等
97. ENJOY人地誤會你地兩個有野
98. 逼佢同你有單獨相處既機會
99. 響同一場合，佢唔走，你唔走
100. 著得靚果日，好想響街上撞到佢
101. 見到佢ONLINE，等佢同你SAY HI先；若果佢唔應你，你會勁灰
102. 唔小心同佢有肌膚之親，都會即刻有觸電既感覺
103. 每次同佢單獨坐車既時候，感覺都好似去旅行
104. 就算唔係去果度都特登話係，等佢可以順便車埋你
105. 佢借D小野俾你，你都會KEEP起佢唔還
106. 對佢特別小氣
107. 響FRIENDSTER睇晒佢有乜FRIEND
108. 特登俾佢知道你有人追
109. 經常對自己既言行舉止好後悔
110. 希望佢同佢女/男朋友嗌交
111. 人地問你係咪鍾意佢，你會答「痴線﹗」
112. 如果你一路睇/聽呢段野一路諗起一個人既時候…啊~你鍾意左佢﹗



小動作睇得出

1.佢會特登同你鬧交、激你.............
2.佢會成日問你借野......
3.佢會成日係你身邊出現......
4.佢會係你同人傾緊野時，又講埋一份......
5.你對佢笑，佢會避開你既眼神或臉紅......
6.佢會經常問你有無鐘意人......
7.佢會係你面前扮可愛、扮型、扮勁.....
8.佢會模仿你.......
9.佢會成日偷望你，但佢一旦比你發現，佢就會扮不是望著你.......
10.佢會好關心關於你既野！
11.佢會搵好多話題同你談天.....
12.佢會講好多野逗你開心......

直接問佢系吾系鐘意你啦