DSLR與一般DC的等效焦距﹖﹖

其實呢, 等效焦距係適用係DSLR上便, DC 係冇關架.
睇返相機個構造先啦, 單鏡反光機既鏡頭MOUNT同菲林既距離係標準既,
即係咩廠出既單鏡機都好, 個距離都冇分別,
後來, 數碼感光元件發展到可以用係SLR上便,
就做成依家既DSLR.
DSLR因為用返SLR既鏡頭, MOUNT同感光元件既距離唔郁得,
但又做唔到菲林咁大塊(或者平得黎又咁大塊),
所以就會有所謂CROP FACTOR 出現,
可以話係假既焦距放大,
不過反正個分別唔係太明顯所以都唔好深究勒.
DC呢? 望下塊鏡頭先啦, 鏡頭直徑明顯係比SLR細,
所以呢? 咪唔會用同一系統囉.
DC實質焦距有時係講緊6MM-10MM,
唔明既朋友見到會: "嘩~ 咁咪廣角到無倫?"
佢地又見到DC個感光元件好鬼細,
咁就以為係因為呢個放大比例, 至去到35MM-70MM
問題唔係出係O的咩比例上,
成支鏡係按比例縮細, 視角係唔會因此而有變,
所以用CROP FACTOR去理解係錯既.
(6MM鏡頭? 如果真係135機鏡頭視角去到170度勒, 仲可以當普通相機影?)
DC設計係將SLR鏡頭簡化縮細,
放係一個細既盒入便,
所以就算焦距細左 (當佢6MM),
其實對比視角可以等如35MM (舉例)
不過, 有問題係解像度,
鏡頭其實都有解像度,
因為玻璃打磨時係冇可能完全光滑,
係大機時, 呢O的唔算係大問題,
但係當鏡片縮到DC咁細時, 呢個Roughness就影響到畫質.
所以, DC既畫質點都追唔到DSLR就係咁解.
到返景深, 雖然我地成日話同焦距有關,
但係最後, 其實係同視角有關.
所以雖然機仔細細, 感光元件細細,
係理論上玩法都係一樣
DC唔係做唔到控制景深,
而係因為光學元件太細,
有效果都唔覺咁O者.

2007-11-21 23:43:54 補充：
所以話最麻煩既人係一知半解既人.我係話有等效焦距, 不過係無關.7.4-44.4mm, 以視角黎講就等如135機上既35-210mm, 但唔係因為感光元件細左所以7.4mm就等如35mm真係咁咪好發? 使咩整支又長又重既zoom? 只要縮細個感光元件焦距就已經又長左我亦話鏡頭同菲林距係固定, 不過係指以同一個mount黎講,用nikon既人唔會突然關買支canon鏡係麻?Don't beg for question.

2007-11-21 23:59:57 補充：
唏有少少燥添~crop factor並唔應該用黎解釋DC既鏡頭,用黎解釋DSLR同SLR之間既分別就得,而且, 感光元件細左, 鏡頭既光學特性唔會因此而改,如果唔係照你咁講之後只要將張相放大, 就叫ZOOM? 唔係呀麻?點解DSLR上便用得, 係因為比例唔大,所以就算一支鏡頭因為呢個比例而變大而實質視角無變,層次感係張相上便都未可以睇得出.你試過用一支 "真正" 既35MM同一支 "真正" 105MM影同一個景既話,就會知道原來連層次都會有唔同.

2007-11-22 00:20:48 補充：
仲有, 6MM係指實際焦距丫, 定係135標準既6MM先?玩開菲林機既都知鏡頭好少落去15MM以下,而且去到15, 12, 等, 就係一支魚眼鏡,基本上影唔到直線架勒, 因為視角已經接近170度.另外, 玻璃既解像度本身係因為Roughness而有局限,唔信唔緊要, 講真玩過atomic microscope既人唔多,現實入便, 玻璃鏡片放大左就好似一塊磨滑左既木咁,只要放大睇就會見到並唔係想像中咁滑,呢o的sub-nano既情況係影響解像度既元兇.

2007-11-22 00:23:05 補充：
仲有我唔係拎800萬對1000萬, 而係DLSR同DC,接近5CM直徑對1CM徝徑, 而且照片像素係睇感光元件輸出,而鏡片像素係影響影像質素. 兩樣野又係好似, 但係唔同.DC畫質差冇錯係因為感光能力弱,但唔係唯一原因. 唔好以偏蓋全.