我個蒼鼠好似病左??快d幫下我5該''

唔知係咪你加左棉俾佢,再不停攪佢佢先震呢?而家仲有冇震?有冇其他異常既地方?你既鼠會唔會新養既呢?有呢D or其他資料既話煩請補充

A.如果你身在香港既話,而你既鼠冇濕過水,鼠籠既位置又唔會係十分當風or有冷氣風扇之類吹實,理應就唔會好凍,就算鼠鼠覺凍,都唔會話你俾完棉佢先忽然咁凍

暫時既資料睇,佢似受驚or敏感or其他疾病,你可以留意返以下幾點:
1)會唔會用左唔係鼠專用既棉花?
鼠鼠要用返鼠專用既棉去保暖,唔係就有機會會敏感,敏感可大可小,嚴重係會令鼠鼠死亡,所以如果係咁既情況,一定要盡快拎手d棉,如果到而家仲震,就要盡快睇醫生處理

2)令鼠鼠受驚?
係咪你不斷攪鼠鼠既時候,佢先開始震?鼠鼠除左凍,受驚都會震,在鼠鼠身體細小,冇咩自我保護能力,所以係好易受驚既,所以鼠鼠唔鍾意既時候,就唔好不停再攪佢,你新放棉落去,鼠鼠都未習慣,你又成日攪佢,佢就更易驚了

3)一籠有冇第隻鼠?
如果同一籠有第隻鼠既話,都會令鼠鼠驚,因為鼠鼠係獨居動物,唔喜歡同第隻鼠一齊住,如果有第隻鼠一齊既話,鼠鼠就好易有打交or一隻蝦另一隻既情況,咁鼠鼠就會受驚了

4)鼠鼠身體及排泄物有冇異常?
鼠鼠唔舒服都會震,一般感冒or重病都會留意一下鼠鼠身體及排泄物有冇其他異常,有問題就要盡快處理
感冒係會有鼻水,呼吸困難,唔食野唔飲水,仲會好累,甚至會流眼水.如果連同打冷震,打乞嚏既話,嚴重起唻會係肺炎,感冒同肺炎係可以致命架,一定要小心處理.最好睇下醫生
未咁快去到既,可以做以下既野先:
a)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
b)保持周圍既環境衛生
c)唔好俾風直接吹到鼠鼠,要鼠鼠保持溫暖
d)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
e)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
f)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

唔係個個醫生係識醫鼠,所以最好揀過先去,俾d鼠醫生你參考一下:
最貴最好:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
基本診金$290,藥及手術另計

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

B.如果你話而家鼠鼠好易死係講緊天氣轉涼,我就唔覺得,野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱)

其實放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就ok了
同時用鼠專用棉,同埋用多d木糠,一般在室內,都會夠暖,所以我就唔覺得天氣改變會易令鼠鼠死,除非鼠鼠真係濕過水OR將鼠籠放去好凍既地方啦

籠擺放既位置要留意以下幾點:
1)要放在通風陰涼處
2)唔好電視等等好嘈既地方附近
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

C.唔知你所講既bb有咩唔食得係幾大,如果係12日大左右or以下,就只係飲媽媽既奶,而12日大至戒奶分籠前,就要食碎左既糧,如果近粉抹既食物就要加少少水,而戒奶分籠後既鼠其實只係俾混合主糧已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子

戒奶分籠後既鼠,一般正常情況下,並唔建議俾鼠糧以外既野俾鼠鼠食,除左以下呢幾個情況:
1)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2)若鼠鼠瘦弱生病,就可以食白麵包or麥片去補充營養
3)如果冇晒糧又未買我切,就可以暫時以白米代替(係米唔係飯),但都要盡快買返糧
4)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉

俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,我就建議唔好俾蔬果or人食既野俾鼠鼠食,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

2007-11-27 17:20:30 補充：
謝謝樓上網友"◇有恩不報未算差.有仇不報正人楂◆"誇獎及支持^^

好勁呀-0-

你最好都是帶牠去看獸醫
You can go to read a book with animals.

帶佢去睇獸醫囉,,
零食個d最好唔好俾咁多佢地食,,
少少得咖啦,,其他食物都系唔好俾咁多,,
俾番d倉鼠專食一包包個d俾佢食會好d,,

你最好都是帶牠去看獸醫(如果你愛牠的話)

等獸醫睇下咩事囉!

2007-11-27 16:48:16 補充：
杰好勁呀！！