史力加...

史力加之咁就三世(Shrek 3)
上集講到史力加同費安娜公主終於拉埋天窗，從此過住幸福快樂的沼澤生活，點知夏洛國王突然病重，臨危授命要史力加伉儷繼任為國王和王后，史力加當然耍手擰頭，為了「卸責」即刻急call驢友和貓貓，一起出發尋找費安娜的遠房親戚阿瑟王子頂檔。阿瑟王子原本係條廢柴，亦唔想做皇帝，但在史力加半tum半逼之下，終於肯做，仲好感激史力加教佢做人的道理，而一直吼住王位的魅力王子卻乘機招兵買馬，率領一班童話世界的大奸角密謀叛變。當史力加同阿瑟返回far far away國途中，魅力王子已同班奸角攻下城堡，仲自封國王，而家捉埋費安娜等一班童話公主。費安娜公主立即組成公主兵團奮力頑抗，展開最激烈的王位爭奪戰！最後，阿瑟大發神威同史力加打敗左魅力王子，阿瑟得到子民認同做左皇帝，而史力加就同費安娜、驢友一家(包括佢同小龍女生的幾個飛天bb) 開開心心返回沼澤生活了。故事中，費安娜公主同史力加講話佢有左，嚇到史力加唔知點算，因為佢好憎小朋友，但同樣在歷險的過程中，改變了想法，仲同佢自己的bb生活得超開心。