與男朋友去旅行一個月, 有限budget, 可以去邊?

如果你是選擇自由行的話, 要求唔高$200000都可以玩到一個月啦, 我自己如果是自由行在中國約$400一日, 台灣$600一日, 所以應該都ok, 但你唔好其望可以住大酒店或者食得好豐富啦
台灣環島你最重要考慮的是交通, 因為部份城區沒有太多的巴士行走, 唔知你會唔會考慮用單車玩台灣呢???近期勁heat, 另外住方面可以住民宿, 除了可以平外, 還可以體驗當地人的生活, 另外大部份的台灣民宿都有主題的, 特別過住酒店\
中國可以的選擇自由度較台灣大, 如果你是盧友的話$20000可以遊半個中國啦.....plan好d的話可以又平又正.....我上次去上海,杭州,蘇州11日用了3000-3500(連機票)最主要是你想要看什麼呢???
如果自由行,可以考慮

1. 桂林+陽朔+龍脊+ 廣西德天瀑布+明仕田園
2. 貴州的黃果樹瀑布
3. 廈門武 山+鼓浪嶼
4. 福建的容家土樓
5.北京+蒙古等周邊地區
6.上海杭州華東線...1個月可以去黃山, 千島湖,南京
7.山東線---青島+泰山+曲阜
8.雲南
...可以選的地方真的太太多啦....有長有短.....最重要是無想看什麼玥決定地點啦

如果唔一定要去大陸的話, 可以考慮一下泰國的七岩+華欣.
我在去年的農曆新年期間淨BOOK機票去, 然後在當地入住一些旅館. D旅館大約500-700元泰株一晚(港紙大約100-140元倒), 如果住一個月或以上可以再平D.

以下有一些七岩+華欣的活動給你參考用:
華欣有一個好長的海灘, 你除了可以在D個海灘游水外, 還可以在沙灘上騎馬的. 你亦都可以在當地找一些旅行社幫你安排專業導遊帶你去洞穴探險. 想知道更多華欣的旅遊資訊, 可以去D個網站: http://www.rthk.org.hk/elearning/travel/30_01.htm
食方面:
華欣的海灘沿岸設有不同的食肆, 最好當然係食海鮮或者泰國菜啦! 當你對住一望無際的沙灘及吹著海風食飯時, 便會覺得好RELAX. 你可以試下去一間中式廟宇附近的餐廳食飯的, 不過唔記得佢既名字. 間餐廳主要是用啡色的竹來建造, 而且仲係一間中式廟宇附近, 應該唔難搵的. D間餐廳晚上有歌手注場唱一些英文歌的, 你亦都可以去點唱, 不另收費.
小吃方面:
華欣的街頭會有個小販阿伯推住架手推車仔售賣方飽雪糕. 佢係用方飽包住雪糕球賣比你的, 而且雪糕球有多種味道選擇, 雖然佢係流動小販, 但係好衛生的, 絕對可以安心食用. 方飽雪糕每個只售5蚊泰株. 不過小販阿伯沒有固定擺檔地點, 所以能否見到他就要靠運氣喇.

七岩離華欣好近, 你可以在華欣的沙灘漫步過去. 不過你未去過的話, 最好問下當地人OR搭車去. 七岩的海灘及市內的街道比較寧靜少少, 生活比較悠閒, 如果想過二人世界及浪漫的生活, 可以去七岩住番一兩天先.

來一次古運河之旅吧

由錢塘江一路慢慢玩到北京, 除了特別出名的蘇杭, 還有無錫, 楊州, 鎮江等等非常多有數百年歷史以上既名城, 名勝古蹟多不勝數, 還有各城鎮的地道小食和玩意, 包你喜出望外. 途中你可以選擇乘坐古運河上的客船, 公共汽車, 火車等等, 交通十分方便,

在大陸吃和交通都不會太貴的, 只要你不是晚晚要住五星級大酒店, 二萬蚊夠用的了

如果覺得太遠, 到蘇州之後可以改道往上海完結旅程, 又因為交通方便, 基本上你去到任個一個較大城市都有飛機直回深圳 / 香港的, 所以根本可以唔太計劃行程的

去一個月？!
你地份工好得閒架？!
小心番黎份工都無埋窩。

anyway，$20000真係好少錢，
我諗你地真係唔洗旨意去得遠喇，
大陸算啦。
同埋，會 " 玩 " 得幾辛苦囉，
你諗下喇，又要食，又要住，又要交通....
你有無心理準備做電波少年先.....