有關開刀生產問題?.......急急急

以我所知如非特殊情況公立醫院係唔會開刀，除非bb唔掉頭、胎位唔正、上一胎開刀、某d孕婦係長期病患等，如果開刀條件符合係按正常收費啫！
而私家你可以同你個醫生講明要半麻定全麻，半麻會貴少少，其實半麻打完針數秒後會有一股暖流向下半身落去咁然後你會好冇力郁唔到，最難頂係有幾分鐘勁想嘔(但係你唔會嘔得出)，你係清醒知道啲人做緊乜，但因為會有塊大布遮住so你唔見到bb出世，醫生攞咗bb出嚟會幫佢吸水嗰下你會聽到佢喊(嗰刻係勁感動)，護士抹完之後會立刻抱俾你睇and影相，跟住就搞埋啲手尾(聯針...)。
我當初因為bb太大而我盤骨唔夠位要開刀(政府唔會幫我開)，其實都未必個個會痛咁耐，我識有啲人兩三個鐘就生到，但係順產真係recover得好啲，個肚都收得快啲。因為嗰陣我開刀唔能夠進補(醫生話如果食藥材條疤會變粗)所以依家會好怕凍同虛弱啲，但係開刀的而且確係舒服啲，個傷ロ痛幾日就冇事。

你好，我推薦您一個專業的懷孕育兒的網站。他包括了數百篇關于如何懷孕，懷孕症狀，懷孕期間需要注意的事情等等： 好媽媽助手網

http://www.haomama-help.info/

希望我推薦的網站對您有參考價值，祝您好運！

公立e院冇特別原因係唔會幫你開刀.. 姐好似未掉轉個頭呀
等得太耐都仲未生到等等 用咩麻醉方法係你自己選擇
可以選擇全身or半身.. 全身就係你訓住咁入去訓住咁出黎
全程訓著左咩都唔知.. 半身就只係下半身麻醉 你會全程醒住但下半身就冇感覺
半身起碼1拎到個bb出黎你可以即刻見到佢 全身就唔得喇要等你醒返
其實開刀係痛過順產嫁囉..只不過係生果時唔痛 但生完就會勁痛
相比之下果種痛係痛過順產果種痛多多聲 e生都同我講開刀係痛過順產叫我諗清楚
好多人都以為開刀係冇順產咁痛 我初時都以為係囉..
同埋開刀後康復得冇咁快..順產會快好多 短期內又冇得補身
多數開得刀主要原因都係簡吉時出世..只不過係好多人唔知道開刀係痛過順產
我都係簡吉時出世同埋唔想下面俾人剪先簡開刀..

2007-11-20 15:44:50 補充：
同埋個人唔同嫁喎..有d人開刀傷口唔駛半個月就唔痛 有d就痛足1個月都仲痛緊..有d又開完刀好快落到床 有d就20幾個鍾都落唔到床.. 但有樣野係肯定既 順產生完之後個人即刻鬆晒..唔駛幾個鍾已經可以行得

但唔知道在公立醫院能否有這樣要求（只是要求開刀生產這個過程）
不可以。 除非主任醫生認為準媽媽無法順產， 如 ：
1) 胎兒窘迫：
2) 臍帶脫垂：
3) 子宮頸張開欠佳
4) 胎盤早期剝離
5) 難產
6) 胎兒胎位不正
7) 媽媽的骨盆腔太小
8) 巨嬰
9) 母親的疾病
10) 前次剖腹產
11) 完全性的前置胎盤
醫生會採用全身痳醉還是半身痳醉，又是否在生產前通知醫生用哪種方式呢 ?
施行手術前， 麻醉師會徵詢準媽媽的意見 ( 建議讓專業的醫護人員來定斷 )
全身痳醉 ： 藥物會在很短時間內對病人的神經系統產生麻醉作用， 令病人全身失去知覺， 直至手術完畢。
局部麻醉 ： 藥物直接注射入手術周圍的組織， 令附近的神經暫時 喪失傳達痛楚的功能， 適用於小手術。 ( 能感覺肚子被剖開、 張開、 伸取、 然後是 BB 哭聲 … )
其實， 剖腹生產後也要服或注射止痛藥 … ( 自己選擇 )
是 2 種不同的痛 ！
13 年前， 贊育醫院剖腹生產 ( 痛了數天， 也無法順產， 醫生最後決定剖腹 ) ， 一 星期後出院， 聽說費用是 ︰ HK$ 400.- ( 四佰元 )
今天當然不行 ！
預祝母嬰健康
圖片參考：http://i222.photobucket.com/albums/dd202/jessix6/mm.gif