金魚游上水面呼吸

先引一個最近o既答案，話你知你俾魚缸姐姐點左啦：
細胞都會做呼吸作用，吸氧呼 co2；光合作用相反，吸 co2 呼氧。光合作用快過呼吸作用，就有氧氣多左俾其他生物。
你要唔用泵，就要多植物，強光（室內光唔夠，視乎水深同缸尺寸，要買專用o既燈管），加額外 co2（魚缸ｄ魚唔夠 co2 俾植物用）。仲要植物生長到呢，所以要泥、肥料。當你 diy co2，燈都要幾百，泥同肥又要錢。我個缸就真係唔駛用氣泵啦，但我真係種好多水草，可以 support 近百條魚。亦可以用頂濾、掛濾，等水打落水面溶氧入水；但呢個就同水草冇關啦。
如果唔想一闊三大，最簡單都係買個氣泵。
再補充：
１．唔夠氧氣時，魚就會游上水面，見到咁o既情形，最簡單o既做法就係加新水入去，提高水o既含氧量。
２．邊有可能食野五分鐘就消化、吸收完變成魚屎？佢有屎，可能係因為佢之前食過野，唔代表新環境ｏｋ。
３．金魚食得又痾得，水質會好快變差，而每個缸都應配置濾水器。最簡單o既濾水器叫做水妖，唔駛用電，買個泵駁落去即可：即係泵冇得慳架啦。
４．死魚即撈，你冇做錯。小心餵食寧缺勿濫，呢個係控制水質o既好方法－－冇咁易餓親魚o既。

你條魚游上水面呼吸其實係唔夠氧氣吸，你唔用泵，就要放草，如果你放草就一定耍有足夠的陽光，係室內養就可能唔夠氧，一定要放係窗邊，總要係有陽光呀！
總有要放一些石仔，因為金魚排泄物較多。
兩日換一次水， 換全缸的三份一，唔好換太多，不然可能中氯氣毒。
一日餵一次，其實以經ok，因為如果餵得太多，排泄物就多，魚缸水就濁。

你有沒換過新鮮水比的魚, 三日時間, 的水都應該布滿魚糞便放出來有毒物質(亞麼利亞), 魚缸內如果沒濾水器, 就一定要每三天換一次水, 每次換三分一水, (注: 一定要用隔兩至三天水至得)