羅白炆什麼？

沙茶蘿蔔炆豬皮
材料：
浸發透豬皮 8-10兩
蝦米 1-2tbsp
蔥段1條
沙茶醬1tbsp
白蘿蔔6-8兩
薑2片
蒜片2粒

調味料：
上湯（或水）1 1/2杯
糖1茶匙
麻油、胡椒粉 適量
生抽2 tbsp
老抽1/4 tsp

做法:
1. 豬皮出透水後，洗淨，切成骨排狀塊，留用。
2. 白蘿蔔去皮，洗淨，切成滾刀塊，蝦米略浸，沖淨，待用。
3. 燒熱油2湯匙，爆香蝦米、薑片、蒜片、蔥段和沙茶醬，放入白蘿蔔爆炒透，澆酒，並注入調味料和豬皮，煮滾後，改用文火，蓋炆至材料夠酥腍、入味及汁濃，即可盛出供食。

羅白炆冬菇 魚蛋 豬皮

可以炆類似日式關東煑, 用日式醬油, 味醂---一種日式調味類, 糖等加水嚟炆獅子狗魚旦及蒟篛, 或者用日式咖喱塊(超市有售, 辛口嗰隻都唔辣嘅)嚟煑普通炸魚旦, 不過唔好照盒上方法煑好至落咖喱, 要水滾就落, 否則蘿蔔唔入味, 重有如天氣乾燥時可在早一晚批好蘿蔔切成一塊塊排開在筲箕吹一日, 或者放入雪柜一日(有抽濕作用, 如之後雪柜有蘿蔔味就放D新鮮檸檬片或木炭去清除番D味), 等D蘿蔔乾身少少, 咁樣炆時會易入味一D. 重有另外一個建議, 就係煑釀豆卜, 去街市買D打好嘅鯪魚肉同豆ト, 對半剪開D豆ト釀入魚肉, 用易潔鑊畧煎魚肉的一面(唔煎都得)備用, 另外用少許油爆香薑片再落蘿蔔炒一會, 落水後加入釀豆ト, 冚蓋煑滾後收至中火煑至蘿蔔淋, 試吓味至落塩(因現成鯪魚膠已調味, 所以可能唔使落太多塩), 落D葱兜勻幾下便可, 夏天用嚟煑冬瓜都好好味!

另外如果想有湯又有餸, 可以煑一個上海餸---蘿蔔絲鯽魚湯, 蘿蔔去皮切成筷子咁上下粗, 洗靜劏好的鯽魚用油同薑片煎至兩面少少黄, 剷出多餘的油(魚仍留在鑊中), 在鑊邊灒少少紹酒再落適量水, 蘿蔔及薑片大火滾10分鐘(大火D湯至會白色), 調味落D葱便可. 落蘿蔔時就咁落在面同唔好剷, 否則會整散條魚, 重有盛起D湯渣要小心D, 記得D湯要留係個鑊度, 咁添第二碗時如凍咗都可立刻再加温, 不妨試吓!

炆牛腩, 凍天最好.....正