新手想理解焦距與光圈之關係....

你鑽晒牛角尖勒......
景深唔係好似水深咁有一個絕對既距離,
景深只係一個比例, 代表當時離相機 x米至 y米既距離下係"對焦"
即係所謂 "清" 既距離,
淺景深代表果個範圍 (x同y中間既範圍) 細,
而深景深則代表果個範圍 (x同y中間既範圍) 大
你部機始終係prosuma, 同單鏡比要做返同一個效果始終係唔得,
不過因為基本理論係一樣咁解o者.
好. 逐樣將你個concept搞清楚先~
1. 焦距唔係指對焦距離, 係指影像位置(菲林) 同鏡頭之間既距離, 行埋左唔會無端端短左. 焦距影響既係視角, 好似人眼望住一點時, 左右兩邊同時仲可以見到幾多. 廣角鏡既視角比人眼闊, 而遠攝則比人眼窄.
要注意視角會令景物變形, 所以用廣角鏡影sabina果張佢就會變成頭大細腳.
(亦係另一個原因點解少用廣角影人)
2. 光圈係鏡頭最細既孔同焦距既 "比例" 所以當你個機加左tele adapter, 焦距大左, 同一個size既孔就代表佢既比例細左, 所以就由2.8 變成 3.5
淺景深唔係好似計數咁有一個特定數架,
用35mm本身個境深會比用50mm時深,
所以做到有一個背景矇既效果就難,
但係用50mm時, 視角窄左, 睇既野就少左,
咁想影返全身, 就要行後少少,
但同時亦會令境深既效果減少.
不過, 只要背景唔係太貼主體, 個效果會比用35mm好.
以前玩開推環式zoom既老手, 都會見過一把境深尺係支鏡頭上便,
依家我唔多覺仲搵到呢把尺, 解釋起上黎真係難明好多.
另外, 你補充既兩張相基本上都可以話o岩,
你可以自己試下做唔做到.

光圈的大小，是以光圈值來表示：
光圈值 = 鏡頭焦距 / 光圈口徑, 換句話說,焦距越長,要保持光圈值,鏡頭口徑便要加大.一來會增加成本,二來會令鏡頭變得笨重,G9是輕便all in one機,冇用到這種設計,所以zoom遠時光圈會被迫縮小
http://dcfever.com/glossary/glossary.php?glossaryID=1

3倍變焦即係35 x 3 = 105mm, G9有6倍光學變焦可以zoom到去210mm的,但最大光圈會變成更小的f4.8
你講既一同二例子都啱,焦距長咗如果唔郁係會影小咗嘢,要保持主體大小的話就要走翻遠啲.
G9既設計其實係用咗一塊比DSLR細好多既感光完件,平時影相佢實際只係由一幅大相裏面剪咗一小片出來放大.所以佢一定要用超廣角鏡頭先可以做到同DSLR咁上下既等效焦距,雖然佢等效焦距係35-210mm,實際上佢只係用咗一支7.4 - 44.4mm既短鏡頭,對做淺景深不利
G9規格
http://www.dcview.com/forums/camspecnew.asp?id=939
你見人地用54mm都影到淺景深係因為佢鏡頭焦距係真正54mm,己經等於你用254mm既焦距去影,而G9跟本冇咁長,就算有人地個model係企喺相機幾呎前範圍,你要影翻相同構圖就要分分鐘要企到二三十呎遠,景深又長翻.所以你影唔到淺景深純粹係器材上既問題.
你有啲搞錯咗,要影淺景深應該用遠攝鏡而唔係用廣角鏡,人地用23mm己經等於你用咗108mm,但因為背夠遠所以都見到淺景深,你其實可以影到的,只要去翻相同位置,用108mm焦距,f3.0(唔知G9zoom到108mm仲得唔得),相同對焦距離就會有相同景深,不過構圖就唔可以一樣喇,人地係23mm(其實等效係46mm),你係108mm,你可能只可以影到個頭連肩頭左右.

2007-11-21 12:14:10 補充：
其實想了解DSLR同DC的景深差距,可以利用網上一啲計算景深既程式,以下就有一個http://www.dpreview.com/learn/?/Glossary/Optical/Depth_of_Field_01.htm就用一個拍攝人像的例子,用Olmypus的4/3系統配一支50mm焦距鏡頭,離被攝者1.5m,用f4光圈影.得出景深有0.12m.但換上了G9,要保持相同構圖的話佢只可以用22mm焦距.計算後得出景深有0.212m,足足多出了70%,如果同配備了更大感光完件的相機比差別就會更大.