我見到我隻眼有一d好似細菌既野咁個d係咩黎架.???

應該係飛蚊症,
我都係咁,
我問過人,佢話其實係冇害,都冇得醫,
不過嚴重既話會影響平日既日常生活,
因為你會睇到好多野飛嚟飛去,飛到你心都煩埋!!!
不過最好係睇醫生啦~~
可以証實下會唔會有其他毛病,
百幾蚊可以求個心安理得!!!

照你所講, 好可能係飛蚊症, 至於會見到佢飛黎飛去咁, 其實係因為係眼睛左望右望, 佢又會跟住你所望0既方向移動所致, 就好似d 蚊晌你前面左飛右飛咁, 所以叫"飛蚊症"。
飛蚊症大多係因為眼0既玻璃體混濁左, 而玻璃體係位於晶狀體同視網膜之間0既透明體, 因為混濁左0既關係, 變左你睇野0既時候, 投射落視網膜度就會見到一條條或者係一點點0既"飛蚊"。
而我自己小學0個陣已經發覺有了, 但只係有一兩條咁, 所以冇理到佢, 當然如果嚴重, 或者影響到視力, 就要去請教醫生了。
希望幫到你啦~