倉鼠既問題?

鼠鼠走過佬,情緒受到影響並唔出奇,好易會受驚,所以有你講既情況都好正常,唔知你既鼠出走至今幾耐呢?如果係耐都係咁,就擔心佢有心臟病OR其他唔舒服

鼠鼠受驚可大可小,可能可以好快冇事,但亦有機會誘發疾病,如甩毛,肚瀉等
加上唔知你之前發問既問題係咪都係呢隻鼠呢?打交同受傷既鼠都會特別怕人,試想下鼠鼠唔慣同第隻鼠一齊住,但又困埋一齊,又走過佬,出左去咁大又咁陌生既範圍,唔難想像鼠鼠既心情

如果走佬後搵返得既話,要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

同時建議你將佢地分籠,再重新試下以下方法同鼠鼠再建立關係
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

2007-11-19 23:31:27 補充：
多謝你另一條問題選我做最佳及對我既評價,有咩問題歡迎補充OR再發問,希望幫到你^^