我的倉鼠bb出生有9,10天,我看見倉鼠bb在吃屎0.0?

A.呢個情況有幾個可能性:

1)鼠b去到大約12日大,就會開始自己同自己清理排泄物,10日大左右都差不多了,如果係見到鼠b咬自己既排泄物就可能係呢個情況

2)又或真係食落肚,其實並唔出奇,好多食草既動物都會有呢個行為,因為食左草or其他食物之後,好多營養都未被吸收就排出,但佢地又唔識得好似牛咁吐返出唻再食所以就會食返自己既便便,去吸收維生素B同K,同時排泄物中既礦物質都對身體有益,咁樣食返自己既排泄物仲易吸收
不過鼠b 9,10日大應該未開始食母乳以外既食物,但食返自己既便便,都絕對地冇害既,唔需要擔心

3)9,10日大既鼠b未開始識搵食,只係食媽媽既奶,亦都未開眼,成日都會開住個口睇下有咩食,所以佢可以想飲奶,但有便便入口就照食並唔出奇

其實鼠b由出生到戒奶,鼠媽媽都會照顧,最好唔好打擾佢地咁多,所以佢食便便都唔需要擔心,明白會好想睇下佢地做咩,但最好忍下手吧

B.鼠b差不多係開始自己出去搵食,所以記得放入籠既鼠糧都要整細粒d d糧,如果近粉抹既食物就要加少少水

雖然鼠b已有返咁上下大,但一日未戒奶分籠(18-21日)一日都未大定,所以小心照顧呢

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

C.另外,其實鼠鼠最好分籠,繁殖鼠鼠會有好多問題,所以希望你之後可以考慮唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

佢唔係食屎! 係玩