(急) 帶狗狗去睇邊個醫生會好o的呀!?**20點

我早幾星期係太平道力高度買咗隻約瑟爹利b,兩個月大。返嚟第二日佢就咳得好勁,仲痾水+啫喱狀便便。帶佢睇醫生之前朋友叫我先去同狗舖講低隻b嘅情況,以保障自己防止狗舖唔認數。點知一去到狗舖同店員講咗隻狗情況後,店員就叫我將狗放低比佢跟進同幫我醫返佢,就拎走咗隻狗。
第二日,我同朋友都唔放心狗,就去力高探佢。點知店員就話隻B拎咗返老闆屋企無得睇,仲話尋晚同咗隻狗睇醫生開咗一星期藥比佢,話咳係因為上呼吸道感染,而痾就因為去新環境唔適應,食藥好快無事。狗舖話佢係老闆屋企養病期間無得探(我哋自己揸車探佢都話唔得)到佢好返先返我。經過一輪爭議後先比我去狗舖探佢,但要預先約時間。
我已經探咗狗b幾次,佢大隻咗,已經無咳,情況明顯有好轉。呢個星期六我就會接狗b去打第二針(比原定時間早咗因為我好掛住佢),但係打針嗰時想幫佢做埋狗瘟test(因為已經對狗舖無信心,驚狗返嚟後再病)如果check到狗真係有事,我唔會再拎去狗舖,會自己帶佢睇醫生(因為當初好後悔放低狗比佢哋)所以想問下大家太子同旺角區邊個獸醫會好啲?!同埋如果狗真係有狗瘟我應該點做同埋搵邊個醫生最好?!