持美國緑卡問題,請梁寬先生回答.

離開美國了2年;現在想回美國的話,是否一定不能入境?
睇你嘅理由同移民官.但兩年甘長就唔易俾你入.佢無權當場唔俾你入.(但佢會嚇你等你講一啲對自己不利嘅野.)應該係收起你嘅綠咭,然後出移民庭見法官.

聽有人說可以入境,但會被強制留美國七年,期間不能離境,真的嗎?
未聽過.可能係你朋友單case個官係甘判.

如果可以找律師解決,請問是否一定要找在美國的律師?(因該人士現在香港)費用約是多少?需時多少?
如果揾律師,當然一定係美國律師.收費每个律師唔一样.大嘅,細嘅,忙嘅,霉嘅.係咪?不過一定唔係三,伍仟美金搞得掂.最好係你land個个city揾定.佢一唔放人就律師出現.(好似睇戲甘!)

現在是否不能用"從加拿大偷鷄入境"這方法了???
有網友同我講佢早兩,三個月成功咗.係你就快手.由08年1月1日開始就算公民都要passport過關.到時唔知會點環境.
多口講多句:最緊要係理由同意願.
你儘量砌一个合理,令人相信嘅理由.最好有證據.
有个阿伯每次離境都超過一年,每次入境都話因為佢自已疾咗.有醫生紙,有俾航空公司罸佢改期嘅收據.所以幾次都過到關.
意願係你令人相信你未想過離開美國.所以有保持銀行户口,物業都好重要.
最後你趕得切就加拿大返,唔係唔知要使幾錢去keep 張綠咭.