有關訂酒席問題

2009年打算結婚，係2008年1月-3月期間就要去book定場啦! 睇場方面，你得閒都可以四圍睇下既，因為年年都多人結婚，好酒樓好位置都多人選擇，所以睇定左就最好早d落訂，唔係就會無la. (我自己個陣時06年10月結婚，係05年11月就book定場，而我妹妹08年10月結婚，係07年3-4月就book定場)，你想揀既日子係星期六,日或假期，就會變得好搶手.
而且早點book，酒席會平一點，因為每年酒席都會加價.
尖沙咀區首選- 文化中心美心，中港城皇潮匯，北京道一號皇廷，呢三間個場同環境都唔錯。
次選 - 中港城地下皇上皇，中港城桃源，尖東個邊d酒樓間格麻麻地.
其實最好每間酒樓都去睇下，因為相片同實地環境都會有所出入，有些酒樓會包埋佈置，但會於半年-九個月更新一次，所以最好不定時去睇下。如果有機會，睇酒樓揀一些人家擺酒時去參觀，雖然不能全面參觀，但可以睇到當日自己擺酒時的氣氛或情形，從中偷師，也是好事. 如果想睇得全面一點，就最好睇下酒樓邊一日無婚宴，咁就可以睇環境及新娘房.
酒樓或酒店內的新娘房，最好大間一點，有洗手間及大鏡，方便化妝及換衫，因為當天會較多家人及姊妹進出新娘房，所以較大會比較好一點。

其實你可以上新婚生活易 > 留言廣場 > (進入留言廣場) >
在 “版面分類” 中, 有以下的主題．準新人們都有好多經驗、意見的分享

http://wedding.esdlife.com/forum_index/chi/default.asp


顯示全部，每週話題，教堂行禮，婚姻登記處，酒店行禮，主題公園婚禮，另類婚禮，婚姻監禮人計劃，(律師證婚)，海外註冊/中港婚姻，中式習俗，西式習俗，本地婚紗攝影，海外婚紗攝影，酒樓，酒店，餅咭，請柬喜帖，婚禮統籌，租車，花球，音樂，鑽戒飾物，回禮小禮物/結婚禮物，婚禮攝影錄影，租購晚裝禮服，場地佈置，婚網設計，接新娘遊戲，婚宴遊戲，新娘化妝，旅遊貼士，初哥急症室，新房趣事，物色新居，裝修佈置，婚後生活，生育大計，產前產後，BB護理，親子溝通，子女教育，家居理財，烹飪錦囊，愛情長短跑，寫我心情，婚禮後記，女性健康，婆媳相處

提議你問問YMCA二樓有間中菜, 可以擺二十圍以上. 就係半島酒店傍邊, 交通方便, 有車可以泊中間道車場. 價錢中等, 場地幾靚. 最好盡快去訂. 可以先看看場地再問問