我個心好亂，幫下我Ar~我唔知點做好，又唔知她想點...HeLp PLz~~內容好長，希望各位男女解答

● 1)大家覺得我女友佢係成件事想點？

怒我直言,我覺得你女友好像想一腳踏兩船吧..
又或者可能佢只係{ 比較喜歡同叫steven 的男性朋友sms }..
我個人認為,佢鐘意你o既程度並唔高得去邊..
源於 { 每當我問她借電話，佢就死都唔肯俾..鬼咁緊張..仲離譜到用0.4 hi-trc-c 吉我..(是插吧..見少少紅..) } 哩件事..
我自己係女仔,即使我唔想我男友睇我d message,我都唔會咁過份去傷害佢o既身體..


● 2)點解佢要呃我？

上題提及..或者佢係{ 比較喜歡同叫steven 的男性朋友sms }..
&　佢想搵過第二個,但而家仲未得手,所以拖延住你先..


● 3)點解中秋果陣時，不停講一大炸矛盾原因？

佢一時諗唔到一d完美o既大話去呃你,所以前言不對後語..


● 4)我應該點做好Ar??

要視乎你自己有幾鐘意佢..
好鐘意o既話,我叫你飛左佢,你都唔制啦..
一般鐘意,你不妨考慮飛左佢..


● 5)食飯果陣，佢係咪有心"裝"我？看下我有無check 佢電話？

話唔係就係呃你o既..
佢都做到咁出面啦..


● 6)佢有無機會係呃我扮肚痛，之後去覆個果男仔message??

完全有!!雖然我唔識你女友,但我覺得佢會咁做o既可能性好高..

我覺得你唔應該check你女朋友啲嘢囉
佢唔想你知係費事你有疑心
所以咪嗡一大咋原因囉
大家都有權去識多啲朋友
我知你咁緊張係驚個女朋友俾人撬牆腳
你都要檢討吓自己
最近你對你女朋友嘅態度係咪唔好
其實你可以大方啲由得佢send乜鬼都好啦
總之就唔好太過份咪算囉

你要坦誠啲同你女朋友傾(要溫柔啲問佢)
你同人地玩吓冇所謂
我唔會阻止你不過你唔使呃我
如果大家真係要喺埋一齊嘅
有咩唔俾得我知啫
(跟住攬住佢...然後點你識做架啦)
如果你女朋友仲係鍾意你
聽你咁講佢會收斂啲嘅

有時佢做啲嘢肯同你分享
你咪同佢癲埋一份囉
唔想佢變心你咪投其所好
你管得佢太緊祇有反效果
調番轉你問佢識嗰個男仔咩人嚟架
我關心你係怕你俾人呃啫
總之問咗就算啦
唔好再為呢啲問題紏纏落去

佢話肚痛你應該緊張問佢係咪好痛
係真係假都好喇拿拿臨問佢要唔要睇醫生
要唔要搽藥油
你做呢啲動作係等佢內疚吓
唔係剩係識得掛住check佢架
如果你仲鍾意佢
快啲氹番佢喇
點都好喇俾啲耐性
用你真誠感動佢
等佢知道佢最愛嗰個係你
女仔就係咁架喇
你對佢少咗關心
佢就會覺得你唔再愛佢

若果佢唔再愛你你點講都無用架嘞
呷太多醋因住奄親自己
你細個嗰陣咪又係唔鍾意父母check你
機會唔係人地俾你係要自己爭取!!!!!!!!!!