倉鼠生仔急問

睇到話鼠bb一星期大要食水果,其實絕對地唔可以

a)鼠b一星期大,只係剛出毛,要到12日大左右,先會出去搵食
b)如果親自俾bb食,一來會哽死,二來會令鼠媽媽好緊張,可能會食bb
c)水果好快就會變壞,如果成日更換,都會令鼠媽媽緊張
d)就咁放在籠等bb食既話,絕大機會係鼠媽媽一個食晒,咁會做成肚瀉
e)水果只可以食極少,食得多會肚瀉,所以我就唔建議亂俾水果俾鼠鼠食,長大後我都唔建議

A.要將已滿三星期既鼠分開,留返鼠媽媽同剛出生既鼠b一齊,如果唔係,三星期既鼠有機會會傷害鼠b,又或鼠媽覺得鼠b有危險而傷害鼠b,而家冇事,唔代表之後都冇事,所以一定要盡快分開

B.建議你之後都唔好將而家三星期大既鼠放返同佢地一齊,三星期大既鼠係剛可戒奶,已戒奶既鼠b,一定要同鼠媽媽分開既
剛出世既鼠b,將來到戒奶既時候(18-21日大),都需要同鼠媽媽分開

就算全部都係女鼠,都要分開,因為鼠媽對BB既照顧只去到戒奶期,到鼠bb可以戒奶,鼠媽媽就唔再對鼠鼠有感情了,只會普通一隻成鼠咁看待
所以一大一小既鼠住埋一齊,係好易會打死鼠bb or發生亂倫既情況(如果新鼠b有男鼠),亂倫既鼠好易會有畸胎既出現

C.鼠鼠生左bb之後要留意以下幾點:
1)將其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)其他鼠對bb根本冇咩感情,所以如果生之前冇將其他鼠分開籠,其他鼠就有機會會食bb,而鼠媽媽感到威脅,都會唔理鼠bb

D.我都試過買左隻鼠返唻先知佢已懷孕,忽然多左幾隻鼠都唔知點算,但之後我都有將佢地分籠,希望你都可以考慮一下,而家鼠鼠冇打交,但之後養得大既話就好難講了,當時我隻鼠生完,鼠B未戒奶都已經打生打死,到分得籠已,已有一隻冇左部份耳仔,一隻就發晒狂,幸好有朋友要左其他兩隻正常既

其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

唔駛分開架喇
只要佢地冇打交就可以了*
佢只係幫d bb保暖

如果你分開左佢地
咁你要等到佢地有毛果時啦大約
細細粒有毛果時放番入去
佢地以經可以咬人架喇

唔好把鼠bb同鼠媽媽分開


喂！你為何學我呀？
　
　　倉鼠於兩個月大時便可進行交配（你買倉鼠時，牠們應該只有一個月大），母鼠的懷孕期為兩星期，但通常牠懷孕後一星期你才會發覺，此時請立即把其他的倉鼠分隔開，讓母鼠獨個兒休養，在籠中多放一些木糠和食物，然後把籠子放在隱密、不受干擾、乾爽、通風良好的地方。之後只可靜靜地觀看，不要清理籠子（等到幼鼠開眼後才可清理），不要騷擾牠，牠自會順利地產下鼠仔來。

　　幼鼠全身覆蓋著粉紅色半透明的皮膚，身長大約有 2.5cm。當母鼠產下鼠仔後（通常會有 2-10 隻），更加千萬不可騷擾牠，甚至摸牠，否則牠驚慌之下很可能會將所有親生仔女咬死及吞下（不是說笑的），到時就後悔莫及了。不過你仍要經常留意食物和水是否足夠，不足的話便要靜靜地添置。另外，最好每隔幾天加一些牛奶給母鼠喝，以助長牠的乳汁分秘。生下的鼠仔可能會分散而且到處亂爬，顯得很可憐的樣子，但請不要理牠們，否則．．．．．．當母鼠要餵奶時，牠自會叼起牠們，然後放在一起開始餵奶。

　　當鼠仔長到一星期大時，全身會長滿毛，此時應儘量多放一些新鮮水果，讓牠們從水果中吸取更多水份，以免缺水便秘而死。鼠仔長到兩星期大時會開眼，但仍要繼續吃奶，此時終於可以清理籠子了。到三至四星期大時鼠仔才會斷奶，成為真正獨立的倉鼠。

　　好了，現在是時候為這批鼠仔打算一下了，究竟是要自己負起飼養的責任呢？還是要把牠們送給其他人養呢？如要自己養的話，一定要把雌雄鼠分開來養，以免牠們雜交（即是阿哥與阿妹交配，或阿媽與阿仔交配等等）。你必須及早作出決擇，因為鼠仔斷奶後半個月就會成熟而開始雜交，後果是產下一些蠢蠢鈍鈍的子女，哈哈，到時你就頭痛了。

　　總而言之，如果閣下打算買雌雄一對倉鼠生仔的話，務須仔細考慮一下：你有耐心飼養牠們的一批後代嗎？你有「後路」嗎？（即是有沒有送走鼠仔的方法途徑）當然，你可以把過多的鼠仔送給鼠店老闆，我想他/她應該會樂意接受的。