我想問下,用hp牌子既列印機,係唔係一定要用返hp牌子既墨????

教你個平方法, 可能是最平最環保, 當你用完墨時, 用保鮮紙包, 防止墨頭乾, 拿去新高登一樓, 黃金後一條街, 問人會知, 一樓有間賣墨水, 近援手電梯那邊, 那裡有代用墨和入墨水服務, 幫你入墨水比較平, 彩色好似40元, 黑色就20元, 入到滿為止, 之前我見他們幫人入過HP墨水, 你可去試試, 下次或自己試入, 夠環保.

2007-11-19 16:32:20 補充：
不會弄壞你部機, 因用你桶原裝墨盒加墨.

唔係一定要用hp的墨，你可以用代用墨，或者自己Refill(填充)墨水入個舊盒到。

HP牌子的墨，一般叫做原廠墨，咁就一定適用於hp的機啦，而且佢通常會用D靚的墨水，打印出黎的效果可以話係最好的。不過，由於hp 的市場策略，佢會將D機賣到好平，但係D墨就好貴，以墨黎賺錢，訂價好高，一般的墨都要百幾蚊一舊架。

所以，有D人就會出另一D都可以用響hp打印機的墨盒，令消費者有多D選擇，呢D叫代用墨。因為利潤唔會訂得太高，而且用平小小的墨，所以會比原廠墨平d，約40%，一般黑色的打印質數就真係差唔多，彩色就會有約3%的色差，但如果一般文件/project係睇唔到，係印相會有出入。

代用墨又分兩種，一種係「再生墨盒」，即係以用完的hp墨盒填充返d墨水，以另一個牌子賣出去。好處係因為墨盒其實係原廠墨，一定可以放入部機，應該適用。壞處係因為係填充入去，有時d產品質素唔係太好，可能會整壞左完本的噴頭/晶片咁，就會用唔到。

另一種係「全新代用墨盒」係一d廠商，根據原廠墨盒的設計做出黎，適用於hp 打印機的墨盒，好處係質素穩定好多，用唔到，唔好用等等的事好少出現。但係呢類墨盒就會貴過「再生墨盒」少少，大約5%。

你用的係HP機，其實用代用墨的風唔高。一般打印機最易壞係噴頭會塞，但係因為HP 的墨盒係連噴頭的，你只要換過墨盒就得，一般HP機用代用墨都機耐用。而且代用墨的質素都越來越高，「整壞部機」的情況真係好少出現。

不過為左保障你自己，當你選購代用墨的時候，你當然要問清楚售後服務的野，例如，如果用唔到咁點呢，可唔可以換呢?如果打印質素差又可唔可以換呢? 如果一下唔好彩真係壤左部機，間公司又會唔會幫手修理呢?等等，呢d問題你買之前可以先問，一d負責任的公司係會幫手的。

可否用代用墨要是乎你hp機的model!
大不了打毒針(墨水針)
至於會唔會壞,就要睇你手勢,由其是打毒針,如重手左整濕左d銅面個墨盒個chips就會壞!
但提一提代用墨d墨盒都係comefrom原裝墨盒回收總好過打毒針!
用打毒針or墨盒都係不好處,就係printer會count唔到d墨用完未!
但代用墨真係平好多(我都用緊)
suggest你只用黑墨因彩墨d色怪怪的!