倉鼠 隻眼朦豬豬 是否生病?

眼有紅線似係有外傷,唔知佢同一籠有冇第隻鼠?唔係太明點為之隻眼朦豬豬係點,係咪開唔大?估錯崏話煩請補充

A.如果係眼有外傷既話,就因為係近眼,所以唔可以同佢用外傷藥噴傷口,最緊要係先搵到個原因先,唔係問題會愈唻愈嚴重

留意會唔會係有第隻鼠同佢一齊住,眼有血多數係打傷or個籠有野整親佢,仔細檢查籠同鼠用品,有問題就要盡快改善
有第隻鼠一齊住既話,就要分籠,鼠鼠係獨居動物,係好易打既,如果係已經有打交行為,再唔分開,就好易打得更傷甚至死亡

眼外傷既話,可以試下買內服既外傷素,要去寵物城先有得買,約$60左右,又或直接睇醫生處理,如果係打傷既話,分左籠之後應該唔難好返既

B.如果唔似係外傷,而開眼開唔大,就可能係眼有塵or發炎

開唔大眼既話,記得係要肯定左佢冇外傷先可以咁處理:
用藥用棉花,加少少微暖既水,抹下鼠鼠隻眼,都係唔得就可以用極微既力去試下打開鼠鼠既眼(冇信心控制力度就唔好試),如果係有塵既話,應該可以打得開,打唔開就可能隻眼有病了

如果都係打唔開眼,冇外傷情況下,就應該係發炎:
1)多數係因為環境污糟or整傷左隻眼引致既.因為鼠鼠既眼睛係凸出唻,所以好易會有呢個病.除左保持環境清潔,同埋要檢查下環境有冇d咩物品會整到佢
2)如果有第隻鼠一齊住既話,就要分籠,因為好易係因為打傷而做成既.
3)將水,食物放近佢,如果佢都係唔識去食既話,要餵佢食野,睇下食唔食.
4)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜.
5)眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.所以最好係去睇獸醫,可以考慮一下愛護動物協會.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

2007-11-18 13:49:52 補充：
真係有第隻鼠一齊,咁極可能係打交做成,如果再唔分開佢地,可能會愈打愈傷,有咩事再處理就太遲了,盡快分籠吧紅線係咪即係外傷?如果係外傷,最好帶佢睇醫生,雖然鼠鼠睇唔到野未必會有事,因為鼠鼠主要唔係靠視力去生活,但萬一有細菌感染就麻煩了分開佢地佢地會叫or咬籠並唔代表佢地唔想分開,鼠鼠叫係因為受驚or感到痛苦,你講既情況多數有兩個原因1)分左籠環境唔同左,加上佢地可能會望到對方 2)打過交受驚我之前買左隻已懷孕鼠,之後生左bb,未戒奶就打生打死,其中一隻分籠後不斷大叫,過一段時間先正常

2007-11-18 13:49:59 補充：
咬籠則可能感到壓力or牙痕,等佢地情緒定左應該會好d,再咬籠就可以考佢地唔好咬,方法可參考以下我回答既知識(記緊要佢地情緒好d先可以教):http://hk.knowledge.yahoo.com/question/?qid=7007102001085