報讀陳守仁小學

首先，
現時o既「小一入學」制度，
基本上同廿年前冇乜點變，
一樣係分兩個階段，
第一階段：自行分配學位(or 通常叫「計分制」)
第二階段：統一派位(or通常叫「電腦派位」)
其實，除非該幼稚園 / 機構本身已經制定「一條龍」o既機制(即直升某小學)，
否則，現時選小學仍然係根據學童所居住o既地點作依據，
所以，到今時今日，仍然都有好多家長為左幫仔女報某d學校而搬去該地區住。
(**可以咁講，而家同廿年前唯一最大o既分別就係
(1)在第一階段：自行分配學位，你可以揀任何一間學校，亦可跨網。
(2)在第二階段：統一派位，除左揀自己o個區學校外，你可以揀三間跨網o既學校。)

聲明：「直資小學」、「私立小學」或「英基學校」另論，詳情請看「教育局」「小一入學申請」資料：
http://www.edb.gov.hk/FileManager/TC/Content_1511/poa-lftc.pdf
「小一入學統籌辦法」：
http://chsc.edb.hkedcity.net/primary/
常見問題：
http://www.edb.gov.hk/FileManager/TC/Content_1511/faq-%20sept_%2008c.pdf
至於冇「一條龍」機制o既幼稚園或幼兒園，
佢地應該每年都會將該年度或歷年來o既「小一派位結果」公佈，
用意其實係俾家長睇，
希望可以幫助收生，
但實際上只係學校o既一堆資料紀錄，
老實講，「派位結果」基本上同間幼稚園或幼兒園完全冇關係。
(除非間幼稚園講明係「一條龍」或講明有「直屬」o既小學，
呢樣就要個別問番o個間幼稚園或幼兒園先知。
至於你話保良局屬下幼稚園對報考保良局o既小學有冇幫助，
亦要個別睇番呢個機構o既做法喇！(我諗應該就冇，再者「陳守仁」係「直資小學」。)
因為我知有好多機構o既幼稚園、幼兒園同小學部實際上係冇運作上o既關係，
亦令好多家長以為入左該機構o既幼稚園或幼兒園就可以容易d入佢d小學，
呢點真係要留意！)

多咀一提：
我幫過保良局陳守仁小學o既學生補習，
一個學生A由小一補到小三，
另一個學生B由小三補到小五，
我發覺呢間學校d功課有好大問題，
功課量多唔在講，
特別係各科o既工作紙都經常「出錯」，
有時錯英文文法，有時就出錯題目，
其實呢樣o野已經可以睇到間學校o既「師資」同「系統」，
再者，我兩個學生本身d英文都算OK，
但呢間小學連數學都要用英文教，
其實小學階段，
小朋友學o既係「數學概念」同「解題技巧」，
最緊要其實係希望個小朋友「解得通」同「清楚明白個概念」，
要個學生用英文去學數學，
我個人就覺得難為了個小朋友，
亦有d「走火入魔」。

所以，最後個家長都選擇左同個小朋友(學生A)轉校，
而家轉左校就好左好多(包括成績同自信心)。
而學生B而家就讀小五，
有一次份音樂工作紙居然係要個學生自己「作曲」，
要將首曲寫在工作紙o既五線譜上，
再自己填埋詞(一定要英文詞)，
呢張工作紙都算係「代表作」，
你話畫張圖畫交功課就話得o者，
起碼畫畫可以有好多唔同o既表達方式同材料運用，
你話係咪每個學生都有「興趣」同「能力」可以完成呢張工作紙呢？
鼓勵學生「發揮創意」，原本係好事，
但最大問題係呢張o野每個人都要交，
你話自由參與o既「作曲比賽」，
我就覺得可以接受。

再講，其實學生B個家長都想同佢轉校，
但因為都已經讀到小五，
個家長唔想個小朋友再有大轉變，
所以唯有繼續讀埋佢。

希望以上資料可以幫到你！^_^

我以前都係保良局譚歐陽少芳幼稚園的Student!宜家成功入到陳守仁小學!!仲一讀讀左六年!!Ⅰam P.6 1a!!
讀保良局譚歐陽少芳,有九成Chance入去!!當我仲讀幼稚園,媽日望夜望都想我入去。讀陳守仁多數可以入到名中學,我今年放磅。入到第一志願,St.Pau1。