懷孕２次都小產，好想知道原因?

我仲多過你, 而家懷孕20週... 你個情況同我差唔多, 相信你先生方面應該無大問題, 精子弱護士話係唔會受到精喎(當然check 下好d), 流產或慣性流產有以下資料作參考:-

(1) 家計會做的檢查(主要睇你倆有無地中海貧血), 佢會叫你多驗呢樣果樣, 睇你自己需要, 大約千零二千蚊兩公婆;
可瀏覽以下wedsite:- http://www.famplan.org.hk/fpahk/zh/template1.asp?style=template1.asp&content=services/clinic/ppps.asp

(2) 你經期準唔準? 相隔週期長唔長? 經期唔準或週期長(如38~40日)先來經即表示你排卵唔好, 粒蛋唔靚受咗精都發育唔好... 會在懷孕頭三個月被淘汰而流產

(3) 你年紀大唔大? 如果二十多歲咪等多年先再要, 不過我個西醫話 "你d蛋已經唔靚, 仲要等佢老先黎用呀!" ... so, 想再懷孕前叫醫生開排卵藥及食葉酸(懷孕前三個月), **(當然聽醫生建議)**

(4) 中葯調理也重要, 銅鑼灣何麗蓉女醫師唔錯, (不過好多人, 先booking 都要等)

仲有keep住運動調理好身體啦~ 再懷孕不是無可能^.^

我見議你唔好咁心急懷孕，一年內兩次流產，刮宮個子宮都幾傷，你應好好調養身體，流產咗一年オ好懷孕，我同事試過又係兩次都冇咗，到第三次一驗到有就即刻辭工，瞓床瞓足三個月，起身都要慢慢行，哈！比佢得咗，成功生咗。
到家計會做檢查，要兩公婆去，除咗問以往病歷和家族病歷外，女要檢查子宮，乳房，男要攞精子去檢查，佢地會比個樽你老公，返到屋企要自瀆留精係個樽到，重要第一時間送返家計會，係呢個程序麻煩的。
p.s 這個程序已是我十年前經驗，唔知而家重係咪咁，可能而家有的先進啲嘅方法，價錢應該唔貴，我唔記得啦，政府嘅都唔會好貴嘅！