結婚擺酒邊間好

可以考慮海港城太子酒店:
1. 屬馬哥孛羅酒店集團, 都算有名氣
2. 地點交通方便
3. 3樓北京廳擺15圍啱啱好, 地方夠寬闊無壓迫感
4. 北京廳裝修新, 有水晶吊燈
5. 酒席價格由$6XXX起, 價錢唔算貴, 食物夠水準
6. 仲送好多優惠如: 花車, 蜜月套房, 羅浮宮婚紗攝影及租衫優惠, 新娘化妝優惠, 婚禮攝影錄影優惠, 奇華餅卡優惠等等 (好多我都唔記得)

如果係婚紗展落訂, 價格會抵d, 可能會送多d優惠! 不妨去婚紗展搜集多d資料, 同其他酒店比較一下, 最緊要親身去酒店睇下場地, 睇下鍾唔鍾意先決定!

以上資料係我舊年11月結婚時所得, 希望幫到你地, 祝你地有個難忘的婚禮!

** 籌備婚禮係一個開心又難忘的經歷, enjoy! **

我提議Eaton Hotel喎! 逸東無論環境,價錢同服務都好好, 我之前都係16圍到,就選左彌敦廳(新娘房比較大), 佢入面有幾個廳都好多人選架, 仲有佢本身有好多野送,令你方便好多, 仲會有個sales專門負責你既細節問題,傾菜單或有咩要求,佢地都同你跟進, 另外想租多一晚房的話,佢又唔算貴喎, 如果你係尖沙咀租衫的話,仲方便, 擺完酒第2日坐的士去還衫都超方便,2個人自己都搞得掂! 到而家,都覺得自己無選錯呀!

即是大約 6000元一圍, 應該都好多選擇, 當然最好是酒店啦, 但現在什麼都貴, 你都係上網搵下菜式是否合你心水先啦~

你好有米呀～～我唔知邊間，你可以打電話去問ｄ酒店