中銀/上海商業/證券行 邊個好呀?(想抽股)

本人中銀/上海商業/東亞都有股票戶口
中銀主要而家買賣股票戶口
上海商業以前買賣股票戶口,而家都用緊,因為以前買落左d股票未賣晒!
東亞主要而家買賣新股股票戶口
而家最好係去有Saving Account銀行開股票戶口比較方便,因為d錢容易調動!開埋網上戶口更方便!手續費間間銀行5差5多,網上交易係最平,暫時好似匯豐同恆生比較貴,中銀就中間平均d,東亞好似最平d但網上交易慢d,所以我會選中銀!
而證券行1般平均收費係比銀行平,但入錢同提錢靈活性比銀行差!信心就比銀行差小小!
如果只係比較網上抽新股手續費,東亞最好,暫時5洗錢,中銀$50,上海商業$100,但始終中銀分行多d,入數會方便d,網上既網絡又好dd!
最後我建議中銀
或你可抽白表,又係5洗手續費,抽中都唔1定要股票戶口先,如果你想賣左白表抽中既新股,你可以:-
1.長揸(諗住短期1-2年都5會賣),你可以5洗開户口住,放係屋企或保險箱,到想賣時先再開户口,如果期間公司有息派,係會寄畀你登記既地址!因為你現家開戶口及存倉既話(短期1-2年都5會賣),你係要畀年費,大概1年要收$100左右!

2.即賣!你可以5洗開股票户口!去你有Saving Account既銀行,但只限時段(每間銀行,每隻股票5同),你帶埋你張股票+你本Saving簿仔同佢地股票部職員講你想即沽新股股票!到時沽左就會入錢到你既Saving Account!你可以而家打電話去你有Saving Account既銀行問下,你隻新股可5可以做到即沽(可以做到幾時)!通常新股上市1個月內都可以(不過可能每間銀行,每隻股票5同)!

3.短期5會賣(至少1個月),但又想將來隨時賣,你就要開個股票戶口,你可以去你有Saving Account既銀行開個股票戶口,或去證券行開都得!存倉(將股票入落股票戶口)每間銀行都係1樣!因為要做核實,轉名,過戶,....等等,所以要14日工作天,係工作天5包星期6日,所以最快都要3星期,所以大多銀行職員會同客講4-6星期先可以過到戶(保障d嗎)!之後,你就可以經戶口沽出股票!

我都係用中銀!! 簡單又穩陣!! 手續費的價錢合理!!

本人用中銀幾好
1. 方便簡單，抽股要$50次，不退回，我第一次抽都係用佢，幾方便，你可以在十次最方交易中查記錄。
2. 沽貨無失過拖。
3. 抽唔到即日回錢。不過已扣了$50
4. 大行唔會好似證券行拆埋
5. 價錢適中，不算太貴啦
6. 抽中會發短訊，寄信
7. 買賣都方便，

上海商業我就不太清楚
中銀抽新股每次50蚊, 在儲蓄戶口直接扣數, 有短訊通知你抽中多少, 抽唔抽中都要畀, 好彩抽中, 當天9:30開始可以出, 我試過都出得幾快, 想長揸又可擺住先, 都幾好.
我朋友幫襯證券行, 每次只需20蚊, 同樣可在9:30沽, 但要去銀行入數畀股票行, 再fax返張收據確認, 費時又麻煩, 萬一隻股頭幾日唔好價, 佢都會沽, 因為怕留貨在證券行唔穩陣. 其他證券行未必有20蚊咁平, 但一般都會平過銀行.
至於要平定穩陣, 就要你自己選擇.
還有: 如果你是新丁, 我建議你選擇中銀, 因為中銀抽新股一般的截止時間為比白表早兩小時, 但股票行不太穩定, 需打電話每隻問清楚, 一般會更早, 用中銀可請教多些專業意見考慮清楚, 多些時間看清楚形勢.
但不知你的投資取向, 如果你喜歡借孖展, 咁你去到哪裡都是大客, 都會有專人服侍你, 在哪裡開都差不多...