(中五=.=)英文超差,連小學程度D英文書我都睇吾明,有咩補習學校可以使我起死回生??thx

我認為依個世界無難事, 最怕你唔肯努力...

距離會考仲有6-7個月時間, 你而家仲可以絕地大反擊...

不過, 我教你是方法而已, 不是教你邊間補習學校好...

因為大部份的補習學校都是教你其他考試技巧, 但你補都無用, 因為你根本唔明 (恕我直言)

首先, 你要睇返一般英文文法的書 (邊本好, 問你阿sir / miss啦), 日日係甘睇, 有唔明即刻問人... (事不宜遲, 你下星期一問完阿sir/miss, 買完本書, 即刻開始做)

到三四月時, 坊間有好多補習社都有一些速成班 (依方面你問其他人先知邊個好, 我就唔知, 因我已畢業多年), 你不妨報下.

另外, 再做埋一些past paper

如此, 我相信你是有機會取合格的

2007-11-16 22:25:34 補充：
講一樣野比你聽, 令我相信依個世界無難事, 最怕你唔肯努力...之前我大學要讀一科物理的課程, 但自從中五後, 我都無讀過. 最初, 期中考試, 取得超低分, 基本上, 要考試合格可說天方夜譚... (因為最後成績是期中試, 再加考試成績)考試前的一個月, 我日日係甘睇係甘睇阿sir既notes, 唔明即刻問阿sir.結果, 阿sir話: 我測驗成績好差, 本來是無機會的, 但因考試有唔錯成績, 故俾了一次重考的機會俾我最後, 我重考ok, 終於合格啦 (不用重讀依科)

2007-11-16 22:29:20 補充：
你對英文有咩唔明, 可以問下我....另外, 讀好d英文, 不論是學業上, 或是工作上, 都對你將來有幫助...努力吧!!

"我比曬我全部online game個ac你,你可唔可以幫我爆曬距??"
呢句咩意思/口\\?

好普通的勸法

唔好諗補習啦！因為比你上你都跟唔上，何必呢？
但係，我可以肯定只要你肯努力，絕對可以改變呢個情況，起死回生！
我中四、五果時，英文應該唔好得你好多，文法完全唔識，只有一個慘字可以形容！
但係我可以肯定，只要你肯做，肯睇、肯聽，你會嚇親所有人！
我果時英文作文只能用一塌糊塗來形容，個個見到都可以嚇死果隻，跟住我就睇住我既弱點，不停作不停作…我作多左我其他同學三倍以上，我最後會考作文羅Ｃ…可以肯定一樣野，你肯做就得架啦！
另外，你要睇多Ｄ英文書，真係好有幫助，睇Ｄ簡單既報紙，例如南華早報果份young post，真係超有用！！！
你仲有咩想知既可以sand E-mail比我，我應該都可以幫到你