爸媽將要離婚.. 好亂 救命...

我覺得你要保持冷靜,佢地都唔相信對方,你自己對佢地兩個嘅說話都唔好盡信,由於佢地彼此都希望你企係佢地嘅立場,故會說出傷害對方嘅話,你處事要理智,凡事對事唔對人...佢地嘅關係,你等佢地自己解決哪,你做好自己就得哪..
父親嘅講法,如果你唔係親眼睇度,最好唔好加任何意見,你與媽咪係一種關係,你與父親又係一種關係,佢地兩人又係一種關係,佢地兩人即使離異,你都係佢地嘅兒女,你分得清就得哪....
父親哭訴,係值得同情,婚姻破裂係會令人情緒低落,不過感情始終係相向嘅,有時真係勉強唔到,不過最重要係要互相尊重..
真的要離婚,你睇下兩人,邊個生活比較穩定,能夠有充足時間與你一起生活,因為如果你跟嘅果個,佢由早玩到晚,你生活都會受影響囉...
只係個人分析咋....

哎！我同你嘅遭遇都係差唔多格咋
喺我7歲嗰年我媽咪忽然離開咗屋企
我唔見咗我媽咪我喊住問我爹地究竟媽咪去咗邊
喺呢個時候媽咪打電話番泥
我揸住個電話剩係識得喊
我媽咪叫我乖乖地俾心機讀書
我爹地就係我耳邊勁鬧我媽咪話
你媽咪唔要你架啦你鬧你媽咪啦
我當時喊到唔識收聲
我唔知發生咗咩事
其實我5歲時我媽咪曾經自殺過一次
記得當時見有D著白衫嘅人抬走我媽咪
上咗白車我好想跟埋媽咪上車
但係俾人拖住唔準我跟
後尾好彩救番媽咪無事
到我大D先至知我爹地係出面包2奶
所以我媽咪退出唔再同我爹地紏纏落去
自從媽咪走咗之後我就慘啦
爹地日日唔返屋企剩係對住個工人
點知呢個工人見我爹地唔係屋企
日日鬧我甚至試過打我
每晚瞓覺攬住個枕頭喊喊到攰咗就瞓
足足喊咗個幾月
我知媽咪唔會再返嚟
爹地亦都唔再關心我
曾經有一段時間自己玩自閉
直至到升小六我媽咪突然出現
話要湊番我走
我當時有D嬲我媽咪
點解泵低我唔要我
我好唔想跟番我媽咪
後尼我媽咪氹我話大人嘅事
好難解釋俾你聽
如果你同我住你唔會一個人咁悶
我開頭有D懷疑會唔會同多一個人住呢
後來我先至知我媽咪離開我爹地之後
一直都係獨居不過不幸嘅事陸續發生
我同番我媽咪住咗三年我爹地突然離開咗(死咗)
我真係估唔到點解發生得咁快
我一時真係接受唔到
我已經17歲啦
諗吓生活仍要繼續
所以我要堅強咁生存落去
最後我忠告你大人嘅事由大人自己處理啦
邊個啱邊個唔啱你係好難去判斷
正所謂公說公有理婆說婆有理
至於跟邊個你要睇清楚邊個真係最鍚你
兩公婆嘅瓜葛衹會延禍下一代
輕則怕咗結婚
重則要搵心理醫生

大人的事好難分對錯，既然己經搞上差館，由佢地离了，廢事將來搞出人命，(這

排新聞都有)。

你爸講得安，你諗下跟誰？法官比你選擇的。你睇誰關心，愛护你多些，就跟了。

這些事沒得拉埋了，你也不用傷心，离了他們也是你的爸和媽。

15歲就要面臨依d問題 真係唔簡單
睇左你上一篇既問題
其實你呀媽的確有古怪
既然個老公誤解左
點解唔俾電話紀錄佢睇解釋清楚?
今次除衫依樣野可能係你呀爸片面之詞
但我覺得機會好少
係仔囡面前喊一定好大件事

刮左一巴就要坐監?
應該有得{球}情既..

如果我係你我會跟呀爸
跟呀媽好可能好快有個新既呀爸
你呀媽汁哂野出去
如果佢真係錫你應該叫埋你去

俾心機應付會考 努力讀書啦
大人既事係好複雜 邊句真邊句假都分唔清..

gd luck:]

講真
如果係真心相愛何必離婚
你同你牙爸講你唔想他二個離婚
同他講希望你唔好再犯
如果重有下次你唔洗只意有面見我地
之後同你牙媽講牙爸冇心
如果再犯他心廿情願離婚
好番之後
去下旅行輕鬆下
如果我可以知詳細d可以更加幫到你
真係好想打電話比我問詳情
你唔介意ge話係e-mail比你電話我
我一定幫到你^_^
希望你牙媽牙爸唔好離婚
lilili01上^_^

堅強些!
我會支持你的!加油!
msn: [email protected]

咁 這也算是阿爸的一面之詞吧....