新手一問 RAW JP TIFF HQ影相有咩分別....THX...

Raw係每一部相機既最原始資料.其實每一部相機都一定會影咗raw先,跟住先視乎你選擇輸出Jpeg或者Tiff.
Raw的好處係佢唔會壓縮收集得來的資料,提供事後用軟件處理相片的最大彈性,特別係白平衡,事後要點改都得,完全唔影響相片畫質,其他例如曝光,銳利度,對比等等改的幅度都可以比Jpeg大好多.
但係raw的缺點係佢既格式並唔公開,間間廠唔同,甚至同廠的機都部部唔同.一般軟件開唔到,要用專用軟件開咗,轉翻做Jpeg或者Tiff先可以俾其他軟件睇到. Photoshop公司已經建議緊大家統一咗個raw格式等唔駛咁麻煩
其次係由於未經壓縮.檔案會幾大下,對記憶卡及電腦做成負荷
Jpeg(JP)則是一個壓縮了的影像檔案,檔案會細了很多而且是一個通用格式.任何影像軟件都可以睇到.一般數碼相機會以Jpeg為標準儲存格式,但因為壓縮了,有很多資料己經流失咗,後期再改幅度就不能太大,否則失真會很嚴重.至於壓縮多小就由所謂HQ,SQ去決定.HQ代表High Quality,壓縮盡量小以保留畫質為先.SQ就比較大壓縮度,以減小檔案容量為先.
Tiff係另一種冇壓縮的通用檔案,有利後期改動,可減小失真但冇raw咁方便,而且檔案往往比raw仲要大.所以除非係商業用途,檔案要互通.否則一般用家一係用raw,一係用Jpeg,可以不理Tiff.