yoki sit請幫忙分析^^

其實，講開又講，買樓反而〔穩陣〕過買股票，因為在負利率的年代，樓價是好難跌，加上現時的樓價，是極度〔落後〕！

想當年，９７時，股市都是〔好似〕１８，０００點左右，當時的樓，對於我這畢業不久的年青人來說，簡直是天文數字，當時一層〔綠楊新邨〕，都要３００幾萬，一層〔海怡半島〕，我冇記錯都要＄７，５００一呎！

小弟當年剛出來〔正式〕做野不久，正職得果〔皮幾野〕，望住啲樓越升越勁，我當時想，原來讀完大學是冇用的，跟本連最基本買一層樓都買唔起，反而當年的手下敗將，入唔到Ｕ的，早出來做事反而可以早啲搵錢買到樓！

一層樓３００幾萬計，一年只是升一成，已經是３０萬，試問用什麼可以追到樓價的升幅？

於是，小弟當年除左有一份〔正職〕之外，還有幾份〔秘撈〕，才可以月入幾萬，然後再〔節衣縮食〕，將所有錢〔炒〕紅籌輪！

我想當時我是最識〔跟紅頂白〕的一個！所有當時最ＨＯＴ的，我全部都有，仲要係〔輪〕！

在當時，我的ＮＡＶ的增長，我都認為我是全ＰＯＬＹ增長最快的人，由讀緊書的年代，最窮那一個，變成最有錢的那一個！

雖然，我當年冇好似〔火Ｘ森〕，碌爆卡去〔炒〕８５７一般去得咁盡，但當時以一個２３歲的年青人來說，我也是十分之狼狠！原來好似〔火Ｘ森〕都好似係〔紅磚堡〕出來！

但，一個〔金融風暴〕，再加上我當時的經驗唔夠，唔肯止蝕及止賺，一鋪差唔多輸番９成畀佢！

所以今時今日我是〔保守派〕，也就是受當年的影響，並不是我唔知有人要炒乜，而是我唔去博的問題！

當年博得咁勇，唔係我想的，係世界迫成，有乜理由讀完書，連層樓都買唔起？我唔用紅籌輪對付佢，仲有乜嘢可以跑贏樓市的升幅？

手下敗將可以拖住條女去拍拖，我就由朝做到晚，由星期一做到星期七，世界點會有這些事？？？？

〔火Ｘ森〕而家博得咁勇，是可以理解，因為如果〔博〕輸左，佢都是走去〔破產〕，條數到時又唔知邊個同佢揹；但如果〔博〕到，就可以〔ＵＮ〕〔ＵＮ〕腳！

言歸正轉，我相信樓市只是初起階段，相比之下，恆指已是２萬幾點，當年恆指１８，０００點，啲樓都要這個價，而家一般的樓，唔計豪宅，都是９７年的５成至６成左右，即是，膚淺來說，樓價仲係做緊９，０００－１１，０００點左右，加上現時樓市只是初起階段，應該可以再上！

至於美聯（１２００），佢撈這行，唔駛講一定食正，現價往績ＰＥ４６倍，當然已部份反映了這個因素！但要知樓市只是初起，而來亦相信美國一定會再減息，到時樓價（尤其是細價樓，升幅應該更大）！美聯（１２００）肯定有一定程度的受惠！

從圖表看，此股已連續３個月急升，由破＄６一天起，股價一直反覆上升，最近受大市氣氛所影響，股價隨大市回落，看＄９有很大的支持，所以如果你是冇貨，可以第一注放在＄９入貨！

阻力位當然是＄１１！

但如果股價升〔炒〕到＄１２－＄１３，你可以考慮不如賺左佢先，因為，股價應該反映左以上的因素，加上全香港唔係得一間美聯做這行生意！

本人認為中原是強過美聯，唔知大家又點睇？不過施老闆唔想咁平上市掛！當中原又話吹上市時，隨時樓市見頂？？

YOKI WONG
圖片參考：http://hk.yimg.com/i/icon/16/1.gif