點分大仔or細仔入學(幼稚園)

其實通常冇話硬性規定?月-?月係「大仔」或?月-?月係「細仔」，
只係講個約數，
例如：A小朋友的出生日期係2004年1月3日
B小朋友的出生日期係2004年12月10日
我地用今個月o黎計，
A小朋友現在係3歲零10個月，
而B小朋友現在係2歲零11個月，
其實兩個小朋友都係同「年」出生，
但真實年齡就相差成11個月，
要知道，幼兒階段o既小朋友如果相差成11個月，
其實係幾乎相差一歲，
所以小朋友o係能力上可能有好大偏差，
但係A小朋友同B小朋友雖然一樣會安排入讀幼稚園幼兒班(3-4歲班)，
但A小朋友就會俾人稱為「大仔」，
而B小朋友就會俾人稱為「細仔」，
用番今年去計，2007年九月入讀幼稚園o既小朋友最細可以係2004年12月31日出生，
因為佢o係2007年九月已經年滿2歲零8個月，
可以入讀幼稚園o既幼兒班(3-4歲班)，
直至三年後佢畢業時，
就係5歲零8個月，就可以讀小學一年級啦！
但如果個小朋友係2005年1月1日出生，
佢就一定要到2008年九月先入學，
又或者可以2007年10月做插班讀幼兒班(3-4歲班)，
但佢就一定要留一年班，
點解呢？因為佢到幼稚園畢業時都係得5歲零7個月，
而小學係冇得因為相差一個月年齡而10月做插班。
**雖然按章規定，幼稚園係收3-6 歲o既小朋友入學，
小學一年級係6歲，其實兩者都有明文規定「最細入學年齡」，
幼稚園最細入學年齡：2歲零8個月，
小一最細入學年齡：5歲零8個月，
只係有好多人唔知，以為一定要足3歲先可以入學，
搞到幫個小朋友遲一年先入學，
亦有人因為覺得自己個小朋友太細，
寧願遲一年先入學，其實呢樣o野由父母自己決定。**
(詳情可以入「教育局」o既網頁，睇吓「小一入學申請」o既細則作參考！)

所以，如果真係要分「劃線」分開「大仔」同「細仔」，
我地會將「年頭出世」，即約1月至3月o既小朋友稱為「大仔」，
而「年尾出世」，即約10月至12月o既小朋友稱為「細仔」，
其他月份o既小朋友都係相差半年左右，
就冇話特別分大仔定細仔。

最後，我覺得要睇番自己個小朋友o既能力同性格，
如果真係覺得佢太細，
咪遲d先入學囉，
但亦有d小朋友係「細仔」，
但都已經好醒目，
就可以考慮入學。

如果你個小朋友又唔係「大仔」or「細仔」，
咁就按番一般o既年齡入學就可以。

順帶一提：
本港o既學前教育其實最基本分為兩類，
除了一段o既「幼稚園」外，
仲有「幼兒園」、「幼兒中心」同「幼兒學校」，(呢三種係一樣的，只係名稱有少少唔同，我地統一會叫做「幼兒服務」)，
其實政府已經將「幼稚園」同「幼兒服務」合併左，
已經共通，而現時絕大部份o既學前機構都係行「活動教學」，
所以全部都係一樣，
只係「服務時間」同個別o既「辦學宗旨」有所唔同。
P.S.唯一最唔同係「幼兒服務」收足齡2至6歲o既小朋友，
有「幼兒初班」(2-3歲)入讀，
不過就一定要足晒「2歲」先入得學。
如果未足兩歲，又冇人照顧的話，
本港都有「育嬰園」(收0至2歲)o既服務，
又或者有好多人而家都會參加o既「親子樂園」(playgroup)，
但playgroup就一家要有家長陪同。