個女要嫁人

Idiot, just tell her not to get married.

叫佢同佢老公同你一齊住

其實我有d朋友嫁佐人之後都會住番父母既附近~~
或者不如你叫佢地住近d~咁咪可以日日一齊食飯囉~~
個女應該唔介意架~~返屋企食飯又唔洗佢煮~~
如果我嫁既話我都會住o係屋企附近~~
因為有時2個人o係屋企無咩人氣~~我反而唔鐘意~~
建議下佢啦~~搵番近d既樓都唔難架o者~~

我都係09頭會嫁,今個月尾會搬,一講出黎父母都一口反對,話咩又未真係結婚又點又點咁~ 但又係佢地催我結婚,而且我已經26歲,同男友拍左8年拖,我又唔反對同居~ 我開頭會好嬲,覺得佢地一時一樣,咩都佢地講晒,因為咁重同阿媽鬧交~
但靜落黎再諗,我知道佢地並唔係因為未結婚而唔想我搬,係因為覺得好唔習慣,唔捨得我!
做父母既,有邊個唔想仔女有個好伴侶? 我相信你都會為個女結婚而覺得好開心,另一方面又好唔捨得佢, 好矛盾! 但作為女既我, 又何尚唔係? 我o係屋企最細,個個都錫我,我講野最大聲但做野就唔洗預我~ 我都會好唔捨得,始終一齊住左廿幾年, 大家習慣左大家既存在, 我搬左之後咩都要自己做,病左又無阿媽照顧我,我都會有d唔開心~
但大家都咁大個人,好明白呢個定律,女始終都要嫁,終有一日離開你發展一個新既家庭!
你應該樂觀d,唔通想個女成世唔嫁陪你? 我好相信只要仔女得到幸福,父母一定都會覺得幸福! 我之所以認為搬出去係一件好事, 係我相信會同父母感情更加好, 人人都係咁, 當你失去個樣野, 你就自然會珍惜~ 我並唔係講好說話, 而係好多朋友都係咁講! 況且, 你咁講得, 你應該同個女關係都幾好, 個女錫唔錫你你應該好清楚, 咪好似我老豆問個問題咁低b, "你要搬出去?你唔要老豆嗱?" 真係激死~

個女嫁0左只係唔同你一齊住0者, 又唔係永遠分開, 你可以叫佢多d返0黎同你食飯, 或者出去飲茶都得0者.

你個女搵到個鐘意又對佢好0既人, 你應該替佢開心gar, 多個人錫你個女喎!!

又咁睇丫, 你多0左個女婿就好似多0左個半邊仔, 咁好快又多個人錫你啦!! 佢0地生埋個仔, 你又多個孫仔, 又多一個人錫你啦!!

唔捨我可能你仲未習慣個女同你分開住, 慢慢就習慣gar啦!!

set her free

其實做人父母都想自己子女可以得到幸福,
你不捨得佢, 是因為由小到大都在你身邊,
你覺得她還細, 想保護和照顧她,
但無可否認她已經長大了,
她只是繼承和延續你的血脈.
捨不得的心情一定會有,
但只要大家感情沒有變, 就算分開天涯海角
也有一線維繫(親情).

你女兒出嫁應該高興的，又有一個人共同與你照顧女兒，是開心的事。

你女兒出嫁了，一樣是你個女，是沒有變改的，一樣的愛錫父親大人的。