有冇人試過親身經歷師生戀?唔該分享下....10分!!

師生戀, 大概係苦多過甜吧...

已經係3年前既事了。

有一日, 自己一個放學, 沿路見到一班我校既同學係前面行緊, 我繼續dup低頭慢慢咁向前行, 無意趕上前同佢地傾計, 但我發現前面有2個我識得既中三學生行慢左, 好似想等埋我咁。於是我就行快少少上前同佢地打個招呼, 佢地就叫我一齊行去搭地鐵。

果班人當中有個特別高大既男仔, 我連佢form幾都唔知的。佢望住我, 居然開口第1句就串我! 一路行, d中三學生都無機會同我講野, 淨係呢個高大衰係度嘈鬼住晒, 又煩又無禮貌! 哈哈, 呢個時候, 居然比我見到佢有個名牌, 於是我就話:
"xxx同學, 你唔好咁多野講wor, 你係 three幾架? 信唔信我同你班主任講呀?"
佢好震驚點解我會知佢叫咩名, 仲要係全名(傻仔XDDD)...佢懶係唔在乎咁話:
"我3G架!"
我話: "3G? 電話就有3G!" (學校係無G班的)
佢話: "miss你攪gag呀? 好好笑wor, 我真係笑左lor"
果下真係唔知好嬲定好笑, 但係心情真係好好多...係學校, d同事好假, 生活好dry, 差d遺忘左點樣哈哈大笑了!

平時遇到d串咀既學生, 我至多笑下就算, 因為我地學校d人好乖, 我知佢地無惡意的。但唔知點解, 對住呢個男仔就係條氣唔順, 於是走去問晒所有f3班主任, 有個呀sir識佢, 原來佢唔係f3, 係f5...仲要係精英班最top果幾個學生之一, 真係難以置信! 雖然佢生得好高, 但依家d小朋友細細個就好高大, 加上佢咁既言談, 我覺得佢至多係值f3貨仔!

如是這, 呢個學生時不時會係我身邊出現, 總係要串我2句, 仲試過直入教員室坐係我個位隔離...不過我覺得佢幾得意, 就比左我icq比佢啦(3年前icq係興過msn的!)

到左11月頭要test, 有一次監考要監f5, 入到班房d人仲好似未收拾好心情, 正想產人既時候, 後面出現左個高佬, 哇! 係佢! 好野! 終於輪到本miss話晒事既時候喇! 平日咁串咀, 做test都唔專心係咁望住我, 我咪收左佢個學生證! 睇下你仲玩唔玩呀拿! 唔知點解, 對住其他學生我會嚴一d, 對住佢就會不自覺地浮現我童真既一面。

點知第2日監同一班既test, 佢無返學...台上面有張紙有個remark話呢位同學申請係校務處考, 我真係有少少驚自己玩得太癲嚇親佢! 望住佢張空台, 我個心真係lor lor luen! 原來佢係因為要去guitar考試所以申請左早少少係校務處考, 哈哈!

下一個禮拜, 所有test都完晒, 又回復校際朗誦節既練習。我教f4, 所以都係教返f4 d同學。因為就黎比賽, 所以練得比較晏...記得果日已經係6點了, 天都黑了, 好凍。我由小花園行返教員室時, 見到佢企係教員室門口。唸住同佢say hi就執野走, 點知佢叫我同佢一齊搭地鐵, 有野想同我講...

原來佢係想我教佢朗誦! 推左佢好幾次, 因為身份問題 - 我無教佢, 唔想得罪佢自己既老師。但到最後我都係心軟了, 唸住幫埋你今次啦~

就係咁, 佢日日放學都好準時搵我, 我地就係小花園一齊作講詞, 之後一齊走, 返到屋企佢補完習又會即刻打比我...唔知點解, 同其他學生我仍然會做返miss既本份, 但一對住佢, 好似無左年齡既分別, 瞬間變返做個女學生咁樣! 雖然係我教佢作文, 但感覺上好似係2個同學一齊做project咁, 有共同目標一齊work out咁! 我讀既係女校, 呢d係我中學時從來都無既經歷!

呢個時候開始問題黎喇~ 個男仔開始用曖昧既眼神望住我, 有時又會碰下我既手...電話愈傾愈夜, 話題愈來愈深入...漸漸我開始發夢夢見佢, 有時係攪gag笑醒左, 有時係太sweet...有時半夜醒左, 我會攬住張被好想大叫佢個名, 開始好驚...呢d野真係試唔過, 所以呢d感覺只有我自己知, 連最好既朋友我都唔敢講。有一次, 小息有個女學生比個心理測驗我玩, 叫我填一個異性既名...當然我無講比個女學生知我心目中放左個咩名, 但係我塊面好"興", 個心卜卜跳, 我知道自己真係把持唔住了。平時佢對我曖昧眼神, 我有時會回應, 有時會避開, 但果日我真係忍唔住望多左佢幾眼...佢踫我手時, 我個心真係跳得不得了, 個人完全concentrate唔到! 果日放學又如常一齊搭地鐵, 點知無啦啦黎一個dup車! 佢好大力咁一手攬住我, 對望左好耐, 大家都無出聲, 直至我到站。佢好溫柔既一句byebye, 真係好觸電, 亦同時間好心痛 - 我同佢係2個世界既人...雖然呢一刻有感動, 我地日後又如何呢?

真係唸左好耐好耐, 覺得如果能夠同佢一齊, 可以幾耐就幾耐啦! 我本身有男朋友的, 而我都知佢識我之前都有個要好既女性朋友(唔係女朋友)...甚至佢有無真心中意我, 我都唔去理唔去問! 本來我都有良心責備, 但可以同佢一齊, 我就豁出去, 唔問佢過去, 只要當下既日子開開心心就好了!

好多同事同同學都覺得我果排開朗左, 靚左! 簡直好似返返中學時代咁既感覺! 日日上堂我都係笑住入班房, 一打放學鐘就更加開心, 期待同佢見面...行過佢班房又心思思偷偷望下佢點。

朗誦比賽係一個教堂度進行。比賽當晚, 我地係教堂出面傾下計...聖誕節都就到了, 教堂已經開始有好多蠋光佈置。唔知點解, 聖誕原本係充滿歡樂同溫馨, 但我係呢個時候卻有一種講唔出口既不安。係星空下, 佢攬住我, 錫左我一啖...我即刻崩潰, 個心既不安都被佢一吻傾瀉出黎...我伏係佢膊頭痛哭...我覺得, 只有呢一刻, 係黑暗中既我地先係最安全的...果下大家都好唔開心, 因為大家知道結局會係點 - 我地係2個世界既人, 一齊到, 唔會長久的! 仲會因此而連朋友都無得做...但既然係無出路, 我地就豁出去。

走既時候, 去到地鐵站, 佢屋企狂call佢, 因為佢屋企有事要即刻返去, 唔可以陪我了。我唔捨得佢, 於是佢就話送我落樓下轉車先。係樓梯行到一半, 佢問我: "可以攬多我一次嗎?" 我真係想攬住佢唔放...佢既身體好溫暖。我好好聞下佢藍色校冷上面既味道, 恐怕呢世都無機會再聞到了! 真係好驚年老既時候會忘記左! 終於我地要分開了, 我地係互相明白的。我feel到佢架電話係咁震, 佢屋企人係咁call佢返屋企, 但佢唔理。佢合埋眼, 同我擁吻。我忍唔住偷望佢年青可愛的臉, 心痛不已。果一刻有說不出既苦澀...時間好似停頓左咁, 呢個世界好似真係得返我同佢!

"師生戀, 比人知道好大鑊架! 你會比人炒, 我會比人踢出校...唔知學校d人知道左我地既野會點呢?"

"記住我地今晚演講既topic係 chaos! 我地咁咪就係chaos lor, 係咪? 你會記得我地既chaos?"

"我永遠都唔會忘記你的。"

最後, 佢都係離開了。我望住佢高高既身影, 知道呢世都唔會再有機會同佢一齊了。

回家路上, 我不停咁喊...已經唔理街上面既人既目光, 因為眼淚真係不由自主咁流! 最諷刺既係, 街上有架車經過, 好大聲播<<小城大事>> - "吻下來, 豁出去, 這吻別似覆水..."

果日係2004年12月1日。
估唔到不足一個月, 會經歷人生最難忘既一次。
之後係學校既傷痛, 我係另一篇回答度講過了...
3年了。果種傷感好似昨日一樣。
唔想再講之後發生既事了...

如果, 你咁岩路過見到我呢篇文既話,
我想同你講: 我仍然好中意你
你永遠都活係我最美好既回憶裡。

1201
每年這天記得再流淚*

既真摰又心痛的一次愛情,
希望這次傷心經歷, 不會使你對愛情卻步~
我係男..............

.........乜做老師做到你咁唔成熟呀....

我就冇試過,但係我個fd就有,佢之前同我講的.話佢有時會特別去引亞sir注意,仲成日上堂講野好大聲,想亞sir留意佢,只要亞sir肯同佢講野,無論係話佢,定係讚佢,佢都會好開心!!!
但係有一日,考完試,對完卷之後,我地果班就同亞sir傾計,有好多同學問佢的私事,其中有2個問題,令到我個好傷心...
1.亞sir你接唔接受師生戀呀?
答:我諗我接受唔到啦~
2.亞sir有冇拍拖呀?
答:我有...我仲訂左婚啦~~~你地唔知咩!!!
就係咁,我個fd就開始唔再引亞sir注意啦~我諗:佢可能已經唔再鍾意亞sir了~

你會好辛苦！

可以和她/他多談天,認識她/他的內心世界,便可以吸引她/他!