可唔可以自己整過膠?

要做到真係出面過膠個種咁就冇可能喇

不過你可以用兩塊膠片，包住要過膠的紙，封口方面最簡單就係用普通膠紙封實四邊，為免張紙移位，膠片唔可以留邊。癡膠紙要癡得靚啦，唔可有突起，雖然表面都會見到，但透明膠紙冇磨紗膠紙咁顯眼。

唔想見到條邊係出面的就要用雙面膠紙，咁雙面膠紙的闊度就係會係留邊的闊度，咁膠片要大d喇，而且要度位放紙（可能會有d麻煩，會用多d時間）。除非你用的雙面膠紙的闊度arm 你心意，如果覺得太粗就要自己剪，自己剪要剪小心剪，唔好一邊闊一邊窄。癡的時候要貼膠片的邊癡，如果唔係人地就可以係空隙到meat開兩張膠片。
有機會見到雙面膠紙係入面，不過癡得靚其實冇咩問題，好似有frame 咁姐

膠片方面，視乎你要「過膠」後張紙的硬度，投影機的膠片就軟d，釘裝用的封面膠片就會硬d（不過我都見過有軟的）


我自己整書簽送比人時用過以上兩種方法（因為唔得閒去過膠）