bb最近不願洗澡

咁你有無記得BB開始哭前有無因為沖涼時嚇親或者整到?? 有可能係佢唔舒服的時候同佢沖涼,咁佢覺得呢時候會令佢又再唔舒服, 所以就扭計.
我以前試過我仔仔都係突然因為沖涼而扭計.你可以試吓俾D佢平時玩開的玩具佢一齊沖, 同佢玩吓水,等佢安心坐好先同佢沖.
記得唔好用肥皂或者bath gel 直接擦佢個身, 應該先溶落水, 再用D水同佢潑吓and 抺身. 咁就無咁易今佢唔舒服同整到佢眼仔.
仲有一個方法, 我以前都always 用的, 就係抱住佢, 一齊沖, 唔係沖花灑,係浸浴.先同自己沖咗身先, 洗完就攪埋佢一齊浸,一路玩一路沖.如果佢有扭計或者哭就可以攬返住呵吓佢. 咁佢會有更大的安全感,又可以增加親子感情, 不仿一試.

是否水溫唔得(太凍或太熱)? bb對水溫比較敏感,差少少覺得唔舒服就話你知---喊. 最近天氣凍左,你幫佢換片時,試用溫水幫佢抹petpet.
另沖涼時,水溫調高些(但又唔好淥親佢),等佢用隻手仔自己試水溫,放些玩具落水,等佢玩,必要時開暖爐保持溫度,首要條件唔好令佢病,
其實bb唔係日日出街,只係屋企玩,兩日沖一次涼,問題不大,或者只係同佢洗petpet.