屯門東方獸醫診所做絕育?

東方果間無聽人講...間間都有人話好有人話唔好,我覺得係睇個醫生同佢夾唔夾姐...
我自己就帶仔仔去置樂做, 做得幾好, 傷口好細, 好快復原...
另外有D朋友就去維多利亞...佢地話幾好...
我覺得一次做會方便D,因為做完起碼要成個星期帶住個頭罩以免佢LUM傷口,最好暫時唔好同佢去街以免有細菌感染, 盡量唔好比佢跳高跳底同做D人動作,因為好易整爆個傷口架...如果分開做, 另一隻又要陪佢唔玩唔出街...一次做就淨係悶一次...
之前我都諗住仔仔囡囡一齊做架,但想囡囡黎完第一次M先帶佢去做,但佢又遲遲唔黎,所以同仔仔做左先...
我仔仔做左都一樣會UN...唔想佢UN係要教架,佢一UN就NO佢...我仔仔係唔會UN我同囡囡架,因為我會鬧佢..但佢會UN我屋企人,因為佢唔鬧佢...

要注意:
飲食只係做之前果晚約10點後唔食得野,做果朝唔飲得水...做完夜晚先飲得水,第二日先可以食野..到時獸醫會教你架喇...其他就無乜特別...
你可以既話鋪D軟毯係地下比佢坐,個傷口會無咁痛架

我的狗狗打針，睇病同絕育都係在東方
都幾好，醫生好有經驗
不過你最好搵胡醫生，因為有時元朗果間既醫生會SHIFT過黎tuen mun幫手
我試過由第二位醫生睇症，功夫真係麻麻，最後都係由胡醫生睇番好
胡醫生好細心，你一次過幫2隻做都唔係問題，因為唔難照顧，男仔做絕育，好得好快，不過係唔知醫生安唔安排到一日做2隻
做完之後，其實狗狗第二日已經會生猛番哂架喇，你都唔使擔心
手術會響朝早做，你之前果晚要同狗狗禁食，其他都無乜野要注意，有咩姑娘都會話你知點處理架喇，放心啦