excel - ceiling and floor點用

1. CEILING(number,significance) and ROUNDUP(number,num_digits)

ROUNDUP(number,num_digits) - 無條件進位
number 係你想要做 rounding 的值；num_digits 係你想要準確到小數後幾多位；

Roundup(1.1,0) = 2
Roundup(-1.1,0) = -2
Roundup(1.23456,2) = 1.24
Roundup(123456789, -2) = 123456800 ( num_digits 負數就代表準確到小數前幾個位了)

CEILING(number,significance)
number 係你想要做 rounding 的值；significance 係一個倍數
Ceiling 其實係 roundup 概念再加以延伸，你可以想像 roundup 只係對 10 既子數做，而 ceiling 就可以對任何數做。請看以下例子

ceiling(1.123, 1) = 2 (這裡我地做既係搵 1 既倍數，又剛剛大過1.123既，所以就係 2)
ceiling(1.123, 0.1) = 1.2 (這裡是搵 0.1 既倍數，又大過1.123既，就係 1.2)
ceiling(3.123, 0.5) = 3.5 （這裡就係特別既地方了，唔一定要對 100,10,1,0.1,0.01 做 rounding，可以對 0.5 做 rounding)
ceiling(3.678, 0.5) = 4 ( 搵 0,5 既倍數大過 3.678既，就係 4 了)

ceiling 其實十分有用，例如係外國超市既價錢牌，係每 0.05 (即係 5 cents) 咁跳既，0.60, 0.65, 0.70, 0.75....佢地唔會無拿拿標價 6.71 咁樣樣的，所以 ceiling 就可以幫佢地 round up 到最接近既 5 cents 價錢了。

另一個又係常用既例子係，你去飲，以一圍一圍計，不足一圍亦要比一圍錢，所以你計圍數，又可以用 ceiling，例如 45 人去，你就要訂
ceiling(45, 12) / 12 = 48 /12 = 4 圍

ceiling 同 roundup 的進一步比較

ceiling(1.5,1) = roundup(1.5,0) = 2
ceiling(1.2345, 0.01) = roundup(1.2345,2) = 1.24
ceiling(3456, 100) = roundup(3456,-2) = 3500

而 rounddown 同 floor 呢，就同 roundup 同 ceiling 既關係一樣。

所以 ceiling 係唔係好玩過 roundup 好多好多呢，而且我好鐘意 ceiling 同 floor 個名，改得十分貼切呢，嘿嘿，所以即使我明知道要做 round up，有時我都會唔覺意咁用左 ceiling。

希望你滿意啦．．． ^.^

2007-11-15 16:31:42 補充：
又好似你之前見到別人既例子，點解我會用 ceiling 而唔用 roundup 呢？因為佢剛好係每 100 人 $75，所以其實用 roundup 都得，但係如果萬一將來改左做每 95 人 $75 又或者每 105 人 $75 呢？那 roundup 就完全用唔著了，如果用左 ceiling，就只要改少少野條 function 就用得返了。希望唔會令你混淆左啦... ^.^