我想問下邊度d倉鼠最平

✔ 最佳答案

小灰霸最平我諗去旺角金魚街應該最平,大約$6-10,但買鼠其實咁平,最好就係順路去or去屋企附近既鼠站,特地坐車去,反而車錢有機會貴過隻鼠

不過買鼠前希望你考慮返一d問題,睇你咁講似係想將兩隻鼠放埋一齊,除左易打交之外,唔同性別仲會繁殖,鼠鼠繁殖得好快,而且有好多問題,所以一定要諗清楚先好
特別係一前一後買鼠,更早更易會出現打交問題,如果佢地打交,你又有冇多一個地方可以分開佢地?打傷左既話又有冇能力買藥or帶鼠鼠去睇醫生?繁殖左好多鼠既話,又有冇辦法放多幾個籠?

我細個時係一籠兩鼠,完全係100%打交,最好既都只係打得唔係好傷,一打即死既都好幾隻(包括同一胎感情看似要好既兄弟),打到好傷既都唔少,但就算唔係100%打,又應唔應該用鼠鼠既身體去博佢地唔打呢?睇返過去既知識,其實都唔難睇到鼠鼠係會打交甚至打死

其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),一籠一鼠除左對鼠鼠好,仲對自己既錢好,最少唔洗買藥or帶鼠鼠睇醫生,為左鼠鼠同自己好,希望你真係可以諗清楚
建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

回答 (2)