可唔可以比倉鼠游泳

唔適宜, 無此必要,
沖涼都是用乾粉,
牠們會來水中游來游去, 未必立刻做成危險,
如在較熱的水中就會死亡, 朋友試過,
如毛濕了, 可隔著毛巾用風筒, 暖風遠離吹乾,
毛濕著很難乾, 長期濕著會冷病, 或其他病的.

純粹個人經驗, 當然最好問專業人仕.

A.唔可以俾鼠鼠游水當做運動,因為鼠鼠咁就好易感冒,雖然唔係100%會感冒,但可避免既當然係唔好咁做啦,好似人食趺左落地既食物都唔一定會肚痛,但都唔應該食咁

原居沙漠既倉鼠,根本較難會接觸到好多水,佢地都係用沙自己沖涼既

我第一次養鼠時,家人教我用水同鼠鼠沖涼,細個咩都唔識,同隻鼠咁沖,之後隻鼠就死左了
其實唔係隻隻鼠都識游水,我細個隻鼠沖涼時,係唔識游水,見佢不斷掙扎,但就成日就沈咁,但十分淺水,所以佢唔係浸死既,沖完都冇事,但即日就死左

鼠鼠放既地方都要避免唔可以俾水整到鼠鼠,水樽漏水都會有危險

B.想鼠鼠做多d運動,最好就係放一個安全既轉輪入籠俾鼠鼠玩
安全既籠就係要冇隙,唔係就易卡住鼠鼠既腳,都唔好係一個球咁密封,一來通風唔好,二來會令鼠鼠有壓力

都可以買D玩具俾鼠鼠玩,鼠鼠專用既木制玩具我覺得係最好既,又有得咬下磨牙,又可以磨下瓜,仲有得做下運動

同時留意返唔好俾鼠鼠食零食,其實只係俾混合主糧已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子

C.萬一你既鼠鼠已游過水OR濕到身,就要留意盡快做以下事情:
1)用毛巾/唔易散既紙巾抹乾
2)好少濕既可以等佢乾
3)好濕既話包住再用風筒吹,唔好直接吹,都唔好咁近吹,唔好開到好熱,少少好啦,唔係一冷一熱好易病
4)放佢既籠去冇風吹到既地方
5)避免再濕
6)如果佢好唔舒服咁,打冷震,打乞嚏等,就可能有感冒,甚至肺炎
感冒同肺炎係可以致命架,一定要小心處理.最好睇下醫生.俾愛護動物協會資料你參考一下:
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

如果整乾完都有唔舒服既情況,唔會去睇又或未咁快去到既,可以做以下既野先:
1)有第隻鼠既話要分籠
2)保持周圍既環境衛生
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
6)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

唔可以，會濕身。