怎樣選擇一對足球鞋?

最重要看場地同腳型

草地-
膠釘(約13粒) 適合較硬身的草地, 好似大部分香港的草地, 啲草都吾係好靚 (除左藍田晒草灣同大球場)
鋁釘 (約6粒)則適合好軟身的草地, 好似大球場, 藍田晒草灣, 同埋其他香港草場落完雨後的濕滑場地.

一般香港的草場, 膠釘就得 (如彷真草(好似九龍仔公園), 膠釘最好係圓型, 片狀的有機會"卡"住D彷真草"

石地-
白飯魚, 或者專為室內小型足的平底波砵, 或者現時大陸的所謂"網球鞋"

而買波砵足球鞋其實好有學問

1) 香港所賣的Adidas, Lotto, Umbro等俾子, 都係國際版, 係跟據歐美人士(歐洲白人同非洲黑人)較修長的腳型而製做, 所以香港人穿(約六成), 會覺得前面窄(鞋楦, 或), 但腳根鬆同挖腳, 同埋鞋頭虛位多 (因為要著大個碼, 先至冇咁窄, 因為超過六成的確亞洲人的腳都係腳根窄, 前面闊, 同白人相反, 你去健身室留意白人同黑人的腳型, 就會知道).

2) NIKE的Advance Fit 就較理想, 但係腳根位都有點鬆. 如果係日本版就會好好. Adidas的日本版球鞋都好, 因為係根據日本人的腳型做, 但係好貴 (http://www.sskamo.co.jp/company/index.html), 而有時YAHOO都有人網上賣.

3) 最適合香港人著的足球鞋(無論係石地, 草地同人造草), 係好多人都冇留意的Mizuno美津濃, 因為美津濃地本身鞋楦較寬("E虎口"專為日本人而設), 加上有些型號是加寬的, 所以真係可以著細半個碼(著平時個碼, 一落場就會鬆), 鞋頭虛位只得1CM, 貼腳得來又吾夾腳又吾挖腳根.(售價三百以下的平價版(新出那批) 經已好好著, )

石地/室內
http://www.mizuno.jp/catalog/
舊式人造草/防真草 (約HK$300)
http://www.mizuno.jp/catalog/index.php?category=1150010040&goods_code=12KT737
真草 (約HK$280) 13粒膠
http://www.mizuno.jp/catalog/index.php?category=1150010043&goods_code=12KP723
參考資料:
過去十年, 枉花了成萬元買波砵的經驗

2007-11-14 18:08:25 補充：
尺碼最好以日本碼為準, 因為美國同英國碼好以混淆. 以本人為例, 都是270cm (或27, 日本碼)指你腳的長度, 如果要275 (27.5)先合適, 就可能鞋本身稍窄, 一般行街, 網球就冇所謂, 會舒服點, 但足球鞋要貼腳, 如果275, 一落場跑動就會鬆.記住, 貼腳吾等於"夾"腳, 最多左係會鬆, 但係吾會太多同"夾"痛腳... 你可以試下一對, HK$2XX 的美津濃, 如果好著, 以後就跟番個日本碼買...